قازاقستاندىقتار دۋبايداعى روبوت تەحنيكاسى بويىنشا جارىستا جۇلدەگەر اتاندى
08:23, 12 - جەلتوقسان 2018
استانا. قازاقپارات - قاراعاندىلىلىق «STEAM RoboClub» كومانداسىنا روبوت تەحنيكاسىنان «RoboCup ازيالىق-تىنىق مۇحيت ايماعى» («RoboCup Asia-Pacific») بويىنشا وتكەن حالىقارالىق باسەكەگە قاتىسۋدىڭ ءساتى ءتۇستى.
ولار «RoboCup Junior OnStage» دارەجەسىندە ءۇشىنشى ورىن يەلەندى. بۇل تۋرالى ق ر تۇڭعىش پرەزيدەنتىنىڭ قورى Facebook-تە جازدى، دەپ حابارلايدى قازاقپارات.
بۇل جولى جارىس 5-7- جەلتوقسان ارالىعىندا ءبىر ۋاقىتتا دۋبايدا (ب ا ءا) جانە كيش (يران) ارالىندا ۇيىمداستىرىلدى.
ءبىزدىڭ كوماندا دۋباي قالاسىندا باق سىنادى. ولاردىڭ قارسىلاستارى يران، قىتاي، ب ا ءا، رەسەي، سينگاپۋر جانە وڭتۇستىك كورەيا بولدى.
اتاپ وتكەن ءجون، بۇل ەلىمىزدىڭ اتالعان جارىسقا تۇڭعىش رەت قاتىسۋى.