ايەل قورىلى - جۇرەككە تونگەن قاۋىپ

استانا. قازاقپارات - ميۋنحەن ۋنيۆەرسيتەتى عالىمدارى ەركەكتەر سەكىلدى قورىلدايتىن ايەلدەردە دە جۇرەك-قان تامىر جۇيەسىندە كۇردەلى جاعداي پايدا بولاتىندىعىن ەسكەرتتى.

مامانداردىڭ ايتۋى بويىنشا، ءدال ايەلدەر قورىلى جۇرەك قىزمەتىنىڭ السىرەۋىنە اكەپ سوقتىرادى ەكەن.

قورىلدىڭ ناتيجەسىندە جۇرەكتىڭ ەڭ ماڭىزدى قان ايدايتىن بولىگى - سول جاق جۇرەكشەسى ۇلكەيە تۇسەدى. سونىمەن قاتار ونىڭ اينالاسىنداعى نەگىزگى سورۋ كامەرالارى دا ۇلعايادى، بۇل ميوكاردانىڭ تەز وربۋىنە تۇرتكى بولادى. بىلايشا ايتقاندا، جۇرەك تەز توزادى. زەرتتەۋلەر كورسەتكەندەي، ەركەكتەرگە قاراعاندا ايەلدەردىڭ جۇرەگى قورىلدىڭ ناتيجەسىندە ىستەن تەز شىعۋى ابدەن مۇمكىن.

عالىمدار 5 مىڭ ادامنىڭ ءومىرىن باقىلاي كەلە، جۇرەككە تۇسەتىن سالماق قورىتىندىسىن جاساعان بولاتىن. ولاردىڭ جارتىسىنا جۋىعىنىڭ ۇيقى پروبلەماسىنا شاعىمى جوق بولدى، ال قالعاندارىنا كادىمگى قورىل، نە اپنوە (تىنىس الۋ جولدارى شەگەلەنىپ، ادام ءبىر ءسات دەمالا الماي قالادى) ءتان بولاتىن. «قورىل توبىن» دەنى ساۋ ناۋقاستارمەن سالىستىرا وتىرىپ، جۇرەكتىڭ سول جاق جۇرەكشەسىنىڭ كولەمىنىڭ ۇلعايعاندىعى ەركەكتەر مەن ايەلدەردە سالىستىرا وتىرىپ جۇرگىزىلدى.

«ءبىزدىڭ انىقتاۋىمىز بويىنشا، قورىلدايتىن جانە اپنوەدەن زارداپ شەگەتىن ايەلدەردىڭ جۇرەك اۋرۋىنا شالدىعۋىنا قاۋىپ جوعارى. قورىلدىڭ ناتيجەسىندە ولاردا جۇرەگى قاندى تولىقتاي ايداي المايدى، ناتيجەسىندە ول وكپەدە، باسقا تىندەردە قالىپ قويادى»، - دەدى جۇمىس اۆتورلارى.

قورىل مەن جۇرەك قىزمەتىنىڭ بايلانىسى زەرتتەۋلەر نەگىزىندە كورىنگەنى سونشالىقتى، ماماندار ۇنەمى قورىلدايتىن ادامدارعا (ونىڭ ىشىندە ايەلدەرگە) مىندەتتى تۇردە كارديولوگقا كورىنۋگە كەڭەس بەرىپ وتىر.

 

دەرەككوزى: ​orthodox.od.ua