ادامگەرشىلىك تۋرالى ناقىل سوزدەر
اقىل، قايرات، جۇرەكتى بىردەي ۇستا، سوندا تولىق بولاسىڭ ەلدەن بولەك.
اباي قۇنانبايەۆ
از سويلەر دە، كوپ تىڭدار حاس اسىلدىڭ بالاسى. ماحامبەت وتەمىس ۇلى
اقىن بويىنا ادامگەرشىلىك قانا جاراسادى. ەكەۋىنىڭ بىرىنە اقاۋ تۇسسە - الدىمەن اقىندىق ولەدى. عابيت مۇسىرەپوۆ
سۇلۋلىق، ادەپتىلىك، بىلىمدىلىك، سەزىمدىلىك، ەرلىك، دانالىق - ءبارى دە جەكە ادامنىڭ مەنشىگىندە ەمەس، ەڭ الدىمەن، ەلدىڭ، حالىكتىڭ ەنشىسى. عابيت مۇسىرەپوۆ
ءوزى تازا ادام وزگەگە كۇيە جاعا المايدى. كۇيە جاعۋ ءۇشىن وزىندە كۇيە بولۋ كەرەك.
عابيت مۇسىرەپوۆ
ادالدىق: ءوزى الدانسا الدانار، ءوزى ەشكىمدى الداماس. عابيت مۇسىرەپوۆ ماحاببات، دوستىق، باۋىرمالدىق - ادامنىڭ ەڭ ءبىر اسىل قاسيەتتەرى. عابيت مۇسىرەپوۆ
ادامشىلىقتىڭ سۇلتانى. ساعات اشىمبايەۆ
شىن كوڭىلدەن ايتىلعان تىلەككە - شىندىقپەن جاۋاپ بەرۋ پارىز. مۇحتار اۋەزوۆ
جومارت بەرگەنىن ايتپاس. ماقال - ماتەل
ەل ادامىمەن سويلەسسەڭ - اۋىل- ايماعىن ايتادى، قالا ادامىمەن سويلەسسەڭ - ۇيىندەگى جيعان- تەرگەنىن ايتادى، قىر ادامىمەن سويلەسسەڭ - بوتا مەنەن تايلاعىن ايتادى، ال تەكسىزبەن سويلەسسەڭ - قايداعى- جايداعى اۋزىنا كەلگەنىن ايتادى. بي- شەشەندەر
ادامنىڭ باسشىسى - اقىل، جەتەكشىسى - تالاپ، شولعىنشىسى - وي جولداسى - كاسىپ، قورعانى - سابىر، قورعاۋشىسى - مىنەز. بي- شەشەندەر
شەشەن سول - سويلەر سوزدەن قامالماسا، جاقسى سول - ىستەر ءىسىن ءتامامداسا. شال قۇلەكە ۇلى
تۇزاققا تۇسكەن بۇلبۇلدان ەركىن جۇرگەن تورعاي ارتىق. تولە بي الىبەك ۇلى
نارەستەنىڭ بەسىگى - كەڭ دۇنيەنىڭ ەسىگى. تولە بي الىبەك ۇلى
كەلگەن قوناققا دوستىق كوڭىل، قوناقجايلىق پەيىل تانىتۋ - ءۇي يەسىنىڭ بورىشى.
توقسارى اينىماي تۇتقان جولىڭ بولسىن مىناۋ - ازاتتىق، اعايىندىق، تەندىك سۇراۋ. تايسالماي دۇرىستىققا جانىڭ قيساڭ، بورىشى ادامدىقتىڭ سوندا تۇر- اۋ. ءمىرجاقىپ دۋلاتوۆ
ادامنىڭ الدىمەن ادام سيپاتى بولۋعا ءتيىس. ءمىرجاقىپ دۋلاتوۆ
اعاڭ كەلسە - ارداقتاپ اتىن بايلاعانداي، قوناعىڭ كەلسە - قۇرمەتتەپ، كوڭىلىن جايلاعانداي تىندىرىمدى ءىسىڭ بولعانعا نە جەتسىن. ايتەكە بايبەك ۇلى
ارام تاباقتان ادال اس وتپەيدى. جاناق ساعىندىق ۇلى
قام كوڭىلدىڭ قايعىسىنا داۋا بول، جولدا شارشاپ شالدىققانعا سايا بول. قوجا احمەت ياسساۋي
«ءسىز» - ادەپ، «ءبىز» - كومەك. ماقال - ماتەل
بازاردا مىڭ كىسى كەزدەسەدى، اركىم سۇيگەنىنە سالەم بەرەدى. ماقال - ماتەل
سالەمنىڭ دە ءساتى بار. ماقال - ماتەل
كىسى بولار كىسىنىڭ - كىسىمەنەن ءىسى بار، كىسى بولماس كىسىنىڭ - كىسىمەنەن نەسى بار. بي- شەشەندەر
دەرەككوز:el.kz