تاۋەلسىزدىك كۇنىنە تارتۋ: بالالار قارلىتاۋ شىڭىن باعىندىرادى
16:31, 10 - جەلتوقسان 2018
الماتى. قازاقپارات - الماتى اسكەري- پاتريوتتىق كلۋبىنىڭ مۇشەلەرى قازاقستاننىڭ كوك بايراعىن قارلىتاۋ شىڭىنا ورناتپاق، دەپ حابارلايدى قازاقپارات ءتىلشىسى.
بالالار الاتاۋدىڭ بيىك شىڭدارىنىڭ ءبىرىن قازاقستان رەسپۋبليكاسىنىڭ تاۋەلسىزدىگى مەرەكەسى قارساڭىندا باعىندىرۋدى جوسپارلاپ وتىر.
وسىلايشا، الماتى اسكەري- پاتريوتتىق كلۋب مۇشەلەرى مەرەكەگە تارتۋ جاساماق. تاۋ شىڭىنا 3 جىلدان بەرى الپينيزممەن اينالىساتىن بالالار شىعادى.
بۇگىنگە دەيىن جاسوسپىرىمدەر بيىكتىگى 3 مىڭ - 4 مىڭ مەتر بولاتىن پانفيلوۆ، اباي، مولودەجنىي، سوۆەتوۆ، كومسومول، فۋرمانوۆ پەن پانوراما شىڭدارىن باعىندىرىپ ۇلگەرگەن.