قىتايلار بۇكىل الەمدى تەگىن ينتەرنەت قىزمەتىمەن قامتاماسىز ەتەدى

 استانا. قازاقپارات - قىتايدىڭ LinkSure Network ينتەرنەت- پروۆايدەرى 2019 -جىلى LinkSure №1 دەپ اتالاتىن جاساندى سەرىكتى ۇشىرۋدى جوسپارلاعان.

وسى ارقىلى ولار 2026 -جىلعا قاراي بۇكىل الەمدى تەگىن ينتەرنەت قىزمەتىمەن قامتۋدى كوزدەپ وتىر. كومپانيا اتالعان جوبانى ىسكە اسىرۋ ءۇشىن 272 جاساندى سەرىكتى عارىشقا شىعارادى، ول ءۇشىن 3 ميلليارد يۋان (431,1 ميلليون دوللار) شىعىنداۋعا دايىن. «بۇل جوسپارىمىز ارقىلى جەر شارىنداعى بارلىق ادامدى، اسىرەسە، دامىماي قالعان ەلدەر مەن ادام اياعى جەتۋى قيىن جەرلەردى ينتەرنەت قىزمەتىمەن قامتۋدى كوزدەپ وتىرمىز» ، -  دەدى كومپانيا پرەزيدەنتى.


جاقىندا عانا SpaceX كومپانياسى ا ق ش- تى تەگىن ينتەرنەتپەن قامتاماسىز ەتۋ ءۇشىن ا ق ش فەدەرال كومميسياسىنان 7518 جاساندى سەرىكتى ۇشىرۋعا رۇحسات العان ەدى. 3 - جەلتوقسان كۇنى سونىڭ 64 ءىن كەڭىستىككە ءساتتى الىپ شىقتى.

Massaget.kz