جەمقورلىققا قارسى كۇرەس كونكۋرسىندا «قازاقپارات» ءتىلشىسى جەڭىمپاز اتاندى
09:56, 07 - جەلتوقسان 2018
تاراز. قازاقپارات - تارازدا سىبايلاس جەمقورلىققا قارسى كۇرەسكە ارنالعان وبلىستىق فورۋم ءوتتى، دەپ حابارلايدى قازاقپارات ءتىلشىسى.
قالالىق مادەنيەت ۇيىنە ءتۇرلى ۆەدومستۆولاردىڭ باسشىلارى، ارداگەرلەر، جاستار، ب ا ق وكىلدەرى جينالدى. شارادا جينالعاندارعا ادالدىق ۇستانىمدارى، سىبايلاس جەمقورلىققا قارسى كۇرەس مادەنيەتىن قالىپتاستىرۋ تۋرالى قويىلىم كورسەتىلدى.
«جامبىل وبلىسىندا 2018-2020-جىلدارعا ارنالعان سىبايلاس جەمقورلىققا قارسى ءىس-قيمىلدار ستراتەگياسىن ىسكە اسىرۋ بويىنشا شارالار جوسپارى بەكىتىلدى. باستى ماقسات - سىبايلاس جەمقورلىق تۋرالى ەسكەرتۋ جانە ونىڭ سالدارىن جويۋ»، - دەيدى جامبىل وبلىسى اكىمى اپپاراتىنىڭ باسشىسى نۇرجان قالەندەروۆ.
فورۋم اياعىندا سىبايلاس جەمقورلىققا قارسى كۇرەس تاقىرىبىنا ارنالعان ۇزدىك جاريالانىم كونكۋرسىنىڭ جەڭىمپازدارى انىقتالدى. ينتەرنەت-ب ا ق اراسىندا جەڭىمپازدار قاتارىندا «قازاقپارات» ح ا ا- نىڭ جامبىل وبلىسىنداعى وڭىرلىك ءتىلشىسى بار.