قۋات حاميتوۆ الداعى جەكپە-جەگىنىڭ قايدا وتەتىندىگىن ايتتى

استانا. قازاقپارات - ارالاس جەكپە-جەكتىڭ سايىپقىرانى قازاقستاندىق قۋات حاميتوۆ (18-6-1) ءوزىنىڭ تاياۋ ۋاقىتتاعى جوسپارىمەن ءبولىستى، دەپ حابارلايدى Sports.kz.

حاميتوۆ Instagram-دا 27- جەلتوقساندا Fight Nights Global تۋرنيرىنە قاتىساتىندىعىن جازدى.

ازىرگە ونىڭ قارسىلاسى بەلگىسىز. بۇل جارىستا رەسەيلىك رومان كوپىلوۆ (6-0) پەن شۆەيتساريالىق ياسۋبەي ەنوموتو (18-10) ورتا سالماقتاعى چەمپيوندىق تيتۋلعا تالاسادى.

اتاپ وتسەك، قۋات ءبىر جىلدان بەرى ەشكىممەن كەزدەسكەن جوق. ول سوڭعى جەكپە-جەگىن 2017-جىلى يرلاندىق پيتەر كۋيلليمەن (10-4-1) وتكىزگەن ەدى.

ول جولى تورەشىلەردىڭ باسىم داۋسىمەن جەڭىسكە جەتكەن بولاتىن. ءبىراق كۋليلليدىڭ كومانداسى اپەللياتسياعا بەرىپ، تاۋەلسىز كوميسسيا ۇپاي سانىن قايتا ەسەپتەپ، ايقاستى تەڭ ءوتتى دەپ وزگەرتتى.