مانەرلەپ سىرعاناۋشىلار استانا كۋبوگى ءۇشىن باق سىناسادى

استانا. قازاقپارات - 5-6- جەلتوقساندا «الاۋ» مۇز ايدىنى سارايىندا مانەرلەپ سىرعاناۋدان العاش رەت «Astana Figure Skating Cup - 2018» جارىسى وتەدى. جارىسقا رەسپۋبليكانىڭ بارلىق وڭىرلەرىنىڭ سپورتىشلارى قاتىسادى، دەپ حابارلايدى ەلوردا اكىمدىگىنىڭ رەسمي سايتى.

سپورتتىق شاراعا قازاقستاننىڭ بارلىق وڭىرلەرىنىڭ مانەرلەپ سىرعاناۋشىلارى قاتىسادى دەپ كۇتىلۋدە. قىزدار مەن بوزبالالار اراسىندا جەكە سىرعاناۋدان ۇيىمداستىرىلاتىن جارىس ءبىرىڭعاي رەسپۋبليكالىق جىكتەمەگە جانە 2018-19-جىلعى ماۋسىمعا ارنالعان ISU ەرەجەلەرىنە سايكەس وتكىزىلەدى.

جارىستىڭ جۇلدەگەرلەرى مەدالدارمەن، ديپلومدارمەن جانە ەستەلىك سىيلىقتارمەن ماراپاتتالاتىن بولادى. شارا ماقساتى - دەنە شىنىقتىرۋدى، سپورتتى جانە سالاۋاتتى ءومىر سالتىن ناسيحاتتاۋ، مانەرلەپ سىرعاناۋشىلاردىڭ سپورتتىق شەبەرلىكتەرىن ۇشتاۋ، مىقتى سپورتشىلاردى انىقتاۋ، جاتتىقتىرۋشىلاردىڭ ءوزارا تاجىريبە الماسۋىنا مۇمكىندىك بەرۋ.

ۇيىمداستىرۋشىلار - قالانىڭ مادەنيەت جانە سپورت باسقارماسى، «الاۋ» مۇز سارايى مەن سپورتتىق-بۇقارالىق شارالاردى وتكىزۋ ديرەكتسياسى» ك م م.