سيرەك كەزدەسەتىن ماماندىقتار
بەسىنشى ورىن - دوپ جيناۋشى. گولف پەن تەننيس ەڭ كوپ تاراعان سپورت ءتۇرى دەسە دە بولادى. ال، ويىن بارىسىندا دوپتاردىڭ جوعالىپ كەتپەۋىن قاداعالاپ، ولاردى جيناپ وتىراتىن جاندار دا بار جانە دوپتى اكەلىپ بەرۋ دە سولاردىڭ موينىندا.
ءتورتىنشى ورىن - قۇمىرسقا اۋلاۋشى. ولار قۇمىرسقالاردى جيناپ، ارنايى ورتالىققا تاپسىرادى. ال، ورتالىق ولاردى ءوسىرىپ، ءدارى- دارمەك جاساۋعا پايدالانادى.
ءۇشىنشى ورىن - پينگۆيندەردى كوتەرۋشى. انتاركتيدادا مەكەن ەتەتىن بۇل قۇستار اسپاننان ۇشاق كورسە، مويىندارىن سوزىپ قارايدى ەكەن. مويىندارىن سوزعان سوڭ، شالقاسىنان قۇلاپ تۇسەدى. ال، ولار ارقاسىمەن قۇلاعان جاعدايدا وزدىگىنەن قايتا تۇرا المايدى. مىنە، قۇستارعا كومەكشى جاندار ولاردى قايتا تۇرعىزادى.
ەكىنشى ورىن - تىڭداۋشىنىڭ جۇمىسى. ونىڭ مىندەتى - كەز كەلگەن جاندى مۇقيات تىڭداپ، ونىڭ قۋانىشى مەن قايعىسىنا ورتاقتاسۋ. سويلەۋشىنىڭ ءار قالجىڭىنا كۇلىپ، ءار ويىمەن كەلىسىپ، باسىن يزەپ وتىرۋ. ءبىر قىزىعى، بۇگىندە توكيو كوشەلەرىندە وسى كاسىپپەن اينالىساتىندار سانى ارتىپ كەلەدى.
ءبىرىنشى ورىن - يت سەكىلدى ۇرەتىن جاندار. شۆەيتساريادا يت ساتىپ الساڭىز، مەملەكەتكە سالىق تولەۋ مىندەتتەلگەن. كەيبىر جاندار يت ساتىپ الادى دا، اقشا تولەۋدەن باس تارتادى. وسى كەزدە كومەككە كەلەتىن ءيتتىڭ داۋىسىن سالىپ، ۇرە بىلەتىن جاندار. ولار ۇرگەن كەزدە ۇيدەگى يت «جاۋاپ» بەرەدى. وسىلايشا، قاي ۇيدە يت بار ەكەنى انىقتالادى. ەگەر ونىڭ جۇيەگە تىركەلمەگەندىگى انىقتالسا، قوجايىن ايىپپۇل تولەۋگە مىندەتتى.
دەرەككوز: kaztv.kaztrk.kz