مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى
جيىن بارىسىندا سىرتقى فاكتورلاردىڭ ۇلتتىق قاۋىپسىزدىك احۋالىنا اسەرى جانە قورعانىس سالاسىنداعى مەملەكەتتىك ساياساتتىڭ ىسكە اسىرىلۋى جونىندەگى ماسەلەلەر قارالدى.
«قازاقستانعا اسەر ەتەتىن سىرتقى فاكتورلاردىڭ بار ەكەنىن ءبارىمىز بىلەمىز. سولاردىڭ ىشىندە رەسەي مەن ا ق ش اراسىنداعى سانكسيالىق تەكەتىرەس، قىتاي مەن ا ق ش اراسىنداعى ساۋدا شيەلەنىسى، سيرياداعى احۋال جانە باسقا دا جاعدايلار بار. وسىعان بايلانىستى بىزگە ماسەلەلەردى تالقىلاپ، ءتيىستى شارالار قابىلداۋ قاجەت» ، - دەدى قازاقستان پرەزيدەنتى.
كۇن تارتىبىندەگى ەكىنشى ماسەلەنى تالقىلاۋ بارىسىندا قورعانىس ءمينيسترى ن. ەرمەكبايەۆ قارۋلى كۇشتەردىڭ بيىلعى وقۋ جىلىنداعى اسكەري دايىندىعىنىڭ جانە وتكىزىلگەن وقۋ- جاتتىعۋلاردىڭ نەگىزگى قورىتىندىلارى، سونداي- اق اسكەردىڭ جاۋىنگەرلىك دايىندىعىن ارتتىرۋ جونىندە قابىلدانىپ جاتقان شارالاردىڭ ناتيجەلەرى تۋرالى بايانداما جاسادى.
سونىمەن قاتار، جيىن بارىسىندا قورعانىس ونەركاسىبى كاسىپورىندارىن جاڭعىرتۋ جانە قورعانىس ونىمدەرىنىڭ جاڭا تۇرلەرىنىڭ ءوندىرىسىن يگەرۋ جونىندەگى ۇسىنىستار قاراستىرىلدى.
باسقوسۋ قورىتىندىسى بويىنشا نۇرسۇلتان نازاربايەۆ ءبىرقاتار ناقتى تاپسىرما بەردى.