الەم بارىسى: قازاقستاندىق بالۋان جارىس جولىنان شىعىپ قالدى
125 كەلىلىك رۋسلان يراندىق بالۋان جافار پاحليەۆانيجاگحارگحپەن كەزدەستى. يراندىقتىڭ بويى - 1,90 س م، سالماعى - 156 كەلى. ول قازاقستاندىق قارسىلاسىنان مىقتى ەكەنىن دالەلدەپ باقتى. كەزدەسۋ الدىندا قارسىلاستار ءبىر- بىردەن ەسكەرتۋ الدى. رۋسلان ءابدىرازاقوۆقا سىلبىرلىعى، ال يراندىق بالۋانعا كۇرەس كەزىندە شىنتاعىن قولدانعانى ءۇشىن ەسكەرتۋ جاسالدى.
الايدا، يراندىق بالۋان ۇرىمتال ساتتەردىڭ بىرىندە ءبىر ۇپايمەن العا شىعۋعا مۇمكىندىك الدى. ۋاقىت جاعىنان ىڭعايسىز كۇيدە قالعان رۋسلانعا جاعدايدى وزگەرتۋ مىندەتتەلدى. دەگەنمەن، وتانداسىمىز از ۋاقىتتىڭ ىشىندە ەسەپتى تەڭەستىرە الماي، جارىس جولىنان شىعىپ قالدى.
ايتا كەتسەك، 24 جاستاعى جافار پاحليەۆانيجاگحارگح وزبەك كۇرەسىنەن الەم چەمپيوناتىنىڭ كۇمىس جۇلدەگەرى.
ەسكە سالا كەتسەك، وسى ۋاقىتتا الماتىداعى بالۋان شولاق اتىنداعى سپورت سارايىندا «الەم بارىسى» ابسوليۋتتىك الەم چەمپيوناتى ءوتىپ جاتىر.
فوتو: vk.com/kazak_kuresy
اۆتور: ايان بەكەن ۇلى