ترامپ پەن پۋتين «ۇلكەن جيىرمالىق» سامميتىندە قول الىسپادى

استانا. قازاقپارات - ارگەنتينادا وتكەن «ۇلكەن جيىرمالىق» سامميتىندە ترامپ پەن پۋتين قول الىسپادى.  

سامميت قارساڭىندا ا ق ش پرەزيدەنتى ترامپ كەرچ بۇعازىنداعى وقيعا تۋرالى دەرەكتەرمەن تانىسقاننان كەيىن رەسەي پرەزيدەنتى پۋتينمەن 20G سامميتىندە كەزدەسۋ وتكىزۋدەن باس تارتقانى تۋرالى مالىمدەگەن.

 

 ا ق ش پرەزيدەنتى دونالد ترامپ رەسەي پرەزيدەنتى ۆلاديمير پۋتيننىڭ قاسىنان ءوتىپ بارادى.

ا ق ش سەناتى رەسەيدىڭ كەرچ بۇعازىندا ۋكرايناعا قارسى «ارانداتۋ سيپاتىنداعى ءىس- قيمىلىن» ايىپتايتىن قارار قابىلداعان. قاراشانىڭ 25- كۇنى رەسەي شەكاراشىلارى قىرىم جاعالاۋىندا ۋكراينانىڭ ءۇش اسكەري كەمەسىنە وق اتىپ، ەكيپاجىمەن قوسا تۇتقىنداعان.

الەمدىك ۇلتتىق جالپى ءونىمنىڭ شامامەن 85 پايىزى، الەمدىك ساۋدانىڭ 75 پايىزى «ۇلكەن جيىرمالىققا» ەنەتىن اۆستراليا، ا ق ش، ارگەنتينا، برازيليا، ۇلى بريتانيا، گەرمانيا، ءۇندىستان، يندونەزيا، يتاليا، كانادا، قىتاي، مەكسيكا، رەسەي، ساۋد ارابياسى، تۇركيا، فرانسيا، وڭتۇستىك كورەيا، وڭتۇستىك افريكا رەسپۋبليكاسى، سونىمەن بىرگە ەۋروپا وداعىنىڭ ۇلەسىنە تيەدى. الەم تۇرعىندارىنىڭ ۇشتەن ەكىسى وسى ەلدەردە تۇرادى.

www.azattyq.org