بۇرىنعى سوۆەت وداعىنىڭ سوڭعى پرەزيدەنتى گورباچيەۆ ۇلكەن بۋشتىڭ قازاسىنا بايلانىستى كوڭىل ايتتى
«وتكەندى ەسىمە سالاتىن كوپ جايتتار وسى اداممەن بايلانىستى. ۇلكەن وزگەرىستەر بولعان جىلدارى ءبىز بىرگە جۇمىس ىستەدىك. ول بارشاعا زور جاۋاپكەرشىلىك جۇكتەگەن كۇردەلى ۋاقىت ەدى. ناتيجەسىندە قىرعي- قاباق سوعىس پەن جانتالاسا قارۋلانۋ [ءداۋىرى] اياقتالدى»، - دەگەن گورباچيەۆ.
ا ق ش- تىڭ 41-پرەزيدەنتى ۇلكەن دجوردج بۋشتىڭ جۇما كۇنى 94 جاسىندا دۇنيەدەن وتكەنى تۋرالى ونىڭ ۇلى، ا ق ش- تىڭ 43-پرەزيدەنتى كىشى دجوردج بۋش حابارلاعان. ا ق ش- تىڭ قازىرگى پرەزيدەنتى دونالد ترامپ ەكس- پرەزيدەنتتىڭ قازاسىنا بايلانىستى كوڭىل ايتقان.
18 جاسىندا مەكتەپتى ءتامامداعان سوڭ دجوردج بۋش ا ق ش اسكەري- تەڭىز كۇشتەرىندە ۇشقىش بولىپ قىزمەت اتقارعان. ەكىنشى دۇنيەجۇزىلىك سوعىس كەزىندە ول تىنىق مۇحيتتاعى مايداندا 58 رەت جاۋ شەبىنە ۇشىپ، اسكەري وپەراتسيالارعا قاتىسقان. 1944 -جىلى جاپوندار ونىڭ ۇشاعىن اتىپ، بۋش اۋەدەن سۋعا قۇلاعان. ءتورت ساعات تەڭىزدە جۇزگەن ونى كەيىن امەريكالىق اسكەري تەڭىزشىلەر قۇتقارىپ العان.
ا ق ش- تىڭ بىرىككەن ۇلتتار ۇيىمىنداعى جانە قىتايداعى ەلشىسى، ورتالىق بارلاۋ باسقارماسىنىڭ (س ر ۋ) ديرەكتورى، ەكى مەرزىم ا ق ش ۆيتسە- پرەزيدەنتى قىزمەتىن اتقارعان ۇلكەن دجوردج بۋش 1988 -جىلى ا ق ش پرەزيدەنتى بولىپ سايلانعان.
ول اق ۇيدە بيلىكتە بولعان كەزدە قىرعي- قاباق سوعىس اياقتالىپ، سوۆەت وداعى قۇلادى، كۋۆەيتتى ساددام حۋسەين باسقاراتىن يراك باسقىنشىلىعىنان ازات ەتكەن «شولدەگى داۋىل» اسكەري وپەراتسياسى جۇرگىزىلدى. بۇل وپەراتسياعا 30 ەلدىڭ اسكەريلەرى قاتىسقان.
1992 -جىلى ا ق ش پرەزيدەنتى سايلاۋىندا باسەكەلەسى بيلل كلينتوننان جەڭىلگەننەن كەيىن ۇلكەن ساياساتتان شەتتەگەن ول كەيىن ۇلى كىشى دجوردج بۋشتىڭ 2000 -جىلى وتكەن ا ق ش پرەزيدەنتى سايلاۋىندا جەڭىسكە جەتۋىنە بەلسەندى كومەكتەسكەن.
ۇلكەن دجوردج بۋش قارتتىعى مەن دەنساۋلىعىنىڭ ناشارلاعانىنا قاراماستان باتىلدىعىن جوعالتپاعان. ارەكەتتەر جاسادى. ول 75، 80 جانە 90 جاسقا تولعاندا اۋەدەن پاراشيۋتپەن سەكىردى. ءومىرىنىڭ سوڭعى ءتورت جىلىن مۇگەدەك ارباسىندا وتكىزدى.
ۇلكەن دجوردج بۋش 73 جىل بىرگە ءومىر سۇرگەن زايىبى باربارا بۋش بيىل ساۋىردە دۇنيەدەن وتكەن.
www.azattyq.org