مەملەكەت باسشىسى «نازاربايەۆ ۋنيۆەرسيتەتىنىڭ» عىلىمي-زەرتتەۋ كەشەنىنە باردى

استانا. قازاقپارات - مەملەكەت باسشىسى نۇرسۇلتان نازاربايەۆ «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمى ينفراقۇرىلىمىنىڭ ءبىر بولىگى سانالاتىن جاڭا عىلىمي-زەرتتەۋ كەشەنىنىڭ جۇمىسىمەن تانىستى.

بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

اتاپ ايتقاندا، قازاقستان پرەزيدەنتى ەلەكتروندىق ميكروسكوپيا، اتومدىق-كۇش ميكروسكوپياسى، روبوت تەحنيكالارى جانە زياتكەرلىك جۇيەلەر، وزىق روبوت تەحنيكالارى مەن مەحاتروندىق جۇيەلەر زەرتحانالارىن، سونداي-اق ەنەرگەتيكالىق عارىشتىق زەرتحانانى ارالاپ كوردى.

جالپى، كەشەندە 117 زەرتحانا، سونىڭ ىشىندە 67 ينجەنەرلىك-تەحنيكالىق، 40 حيميا- بيولوگيالىق جانە 10 تازا ايماق بار.