بالاعا جاقسى اكە بولۋ ءۇشىن نە ىستەۋ كەرەك؟
بالاعا جاقسى اكە بولا ءبىلۋ ءۇشىن نە ىستەۋ كەرەك؟ ەندەشە، جاقسى اكە بولۋعا كەڭەستەر ۇسىنامىز.
1. الدىمەن بالانىڭ ومىرىندە بار بولىڭىز بالالارعا كوپ ۋاقىت، اقشا، كۇش، قامقورلىق، اۋەسقويلىق جانە ت. ب كەرەك. ءبىر ادامعا قاراعاندا ەكى ادام بۇل مىندەتتەردى وڭايىراق اتقارادى. اكەسى مەن اناسى بارلىعىن تەڭگە ءبولىپ الۋ كەرەك نەمەسە ءوزارا كەلىسىپ، مىندەتتەردى ءبولىسىپ الۋعا تىرىسۋ كەرەك. سەبەبى بارلىعىن ءبىر ادامنىڭ موينىنا ءىلىپ قويۋ ادىلسىزدىككە جاتادى. بۇل مىندەتتەردى ءبىر ادامنىڭ عانا اتقارىپ ءجۇرۋى بالاعا دا ءوز اسەرىن بەرەدى.
2. سويلەسىڭىز پسيحولوگيالىق زەرتتەۋلەر بويىنشا، اتا- انا بالالارىمەن وتە از سويلەسەدى. بالاعا ءوزىڭىزدىڭ كۇنىڭىزدىڭ قالاي وتكەنىن ايتىڭىز. ونىڭ بۇگىن وزىنە قانداي قىزىق نارسە اشقانىن سۇراڭىز. وقىلعان كىتاپتى، كورىلگەن فيلمدى جانە ويناعان ويىنىن تالقىلاڭىز. بالانىڭ قويعان سۇراعىنا شىن جاۋاپ بەرۋگە تىرىسىڭىز. ەگەر جاۋابىن بىلمەسەڭىز، ينتەرنەتتەن بىرگە ىزدەڭىز. سول ىسىڭىزبەن ونى اقپاراتتى ىزدەپ، اناليز جاساۋعا ۇيرەتەسىز.
3. قىزىعۋشىلىعىن قۇرمەتتەڭىز كەيدە اتا- انا بالاسىنىڭ اۋەسىنە جامان قاراپ، ونىڭ پايداسىز نارسەمەن شۇعىلدانىپ وتىرعانىن ايتادى. ويلانىڭىز، ءسىزدىڭ ءحوببيىڭىز بىرەۋگە پايداسىز، ءبىرتۇرلى بولىپ كورىنسە، ءسىز ول ارەكەتىڭىزدى تاستاۋعا مىندەتتىسىز بە؟ قىزىعۋشىلىعىڭىزدى تاستاۋدى سۇراعان اداممەن ارى قاراي سويلەسكىڭىز كەلەر مە ەدى؟ ونىڭ حوببيىن تۇسىنۋگە تىرىسىڭىز. مۇمكىندىگىڭىز جەتسە، ءسىز پايدالى دەپ ساناعان زاتتى ەمەس، ءوزى سۇراپ جۇرگەن نارسەسىن الىپ بەرىڭىز. ارينە، بۇل اركەز بالانىڭ ايتقانىن الىپ بەرۋ كەرەك دەگەن ءسوز ەمەس. ەگەر الىپ بەرە الماساڭىز، سەبەبىن ءتۇسىندىرىڭىز.
4. سەزىمىن قۇرمەتتەڭىز بالا كىشكەنتاي بولعاندا اتا- انا وعان سەزىمىن بىلدىرۋگە كومەكتەسەدى. بالا جىلاعاندا، اتا- اناسى بىلاي دەيدى: "شارشاعانىڭدى بىلەمىز، كىشكەنە شىداساڭ، ۇيگە بارامىز". وسىلاي بالادا ءوز سەزىمدەرىنە ارنالعان سوزدەر پايدا بولادى. ال بالا وسە كەلە، ءوز سەزىمىن كورسەتە الاتىن كەزىندە وعان سەنە ءبىلۋ ماڭىزدى. الايدا كوپشىلىك اتا- انا كەرىسىنشە، بالانى كوندىرە باستايدى. مىسالى: "سەنىڭ قارنىڭ اشقان جوق، توڭىپ قالدىڭ، سول ءۇشىن شارشادىڭ". بالاعا جاقىن ادامى ونىڭ ءوز سەزىمىن دۇرىس بىلمەيتىندىگىن ايتسا، اۋىر تيەدى. سوندىقتان، بالانىڭ ايتقانىنا سەنۋگە تىرىسىڭىز.
5. شەكارا قويىڭىز بالاعا جۇيە كەرەك. ءبىر جاعىنان، ونىڭ جەكە قالاۋى بار، ەكىنشى جاعىنان، ول ءازىر ءوز ارەكەتىنىڭ سالدارىن باعالاي المايدى. سوندىقتان كەلىسىمگە كەلە ءبىلۋ ماڭىزدى، بالانىڭ قاجەتتىلىكتەرىن تىڭداپ، سونىڭ نەگىزىندە ەرەجە قويۋ كەرەك. ءتارتىپتى كۇشپەن ەمەس، تۇسىندىرۋمەن ۇستاعان ءجون. ەرەجە قوياردا دا ونىڭ ويىن سۇراپ، وعان سۇراق قويۋ ارقىلى جاساۋ كەرەك. سول كەزدە بالا بولاشاقتا ءوز بەتىنشە بولۋعا ۇيرەنەدى. ۇيدە قويىلعان ەرەجەلەر بارلىق بالاعا بىردەي بولۋى كەرەك.
6. ماقتاڭىز قوعامدا "بالانى ماقتاساڭ، "وزىنشە" بولىپ كەتەدى" دەگەن وي قالىپتاسقان. الايدا، ولاي ەمەس. بالانىڭ جاقسى ارەكەتىن ماقتاپ، ونى جاقسى كورەتىنىڭىزدى ايتىپ تۇرۋ كەرەك. جاقسى جاسالعان نارسەسىنە قۋانىپ، كەيىن بۇدان دا جاقسى جاساي الاتىندىعىنا سەنەتىڭىزدى ايتىڭىز.
7. ويناڭىز بالانىڭ ەرتەگى تىڭداپ، قيالداپ، ءوزىن ءتۇرلى رولدە تەكسەرىپ وسكەنى جاقسى. بالا ويىن ارقىلى الەمدى تانيدى. بالانى دامىتاتىن ويىندار
8. دەنەسىمەن بايلانىس ورناتۋعا كومەكتەسىڭىز بالاعا قۇشاقتاسۋ، ويىن كۇرەسى جانە ت. ب قاجەت. بالامەن بىرگە سەرۋەندەۋدى، جاتتىعۋ جاساۋدى جانە ءوزىنىڭ قوزعالىس بەلسەندىلىگىن تابۋعا كومەكتەسىڭىز. ءتۇرلى ءيىس پەن ءدامدى زەرتتەڭىز. بالانى قيناپ تاماقتاندىرماڭىز. بالا ءوزىن دەنەسىندە قالاي سەزىنەتىنىن بايقاپ، ءوزىن ىڭعايسىز سەزىنسە، بارىنشا كومەكتەسىڭىز. ەگەر سىزدە ءوز دەنەڭىزدى قابىلداۋمەن پروبلەما بولسا، پسيحولوگقا قارالىڭىز. سەبەبى ءسىزدىڭ ارەكەتىڭىز بالاعا بەرىلەدى.
9. قامقور بولىڭىز بالاعا تۇسكى اسىن سالىپ بەرسەڭىز نەمەسە بالانىڭ جينالىسىنا بارساڭىز، ءسىزدى "ەركەككە ءتان ەمەس ىسپەن اينالىسىپ ءجۇر دەيدى" دەپ قورىقپاڭىز. ءوز بالالارىنا قامقور بولۋدان ارتىق تابيعي نارسە جوق. ءسىز بالاڭىزدىڭ ءومىر بويىنا اسەر ەتەتىن ارەكەت جاساپ ءجۇرسىز. بالاڭىزعا ماحابباتىڭىزدى بىلدىرۋدە كەدەرگى كەلتىرەتىن سترەوتيپتەرگە جول بەرمەڭىز.
10. قولداڭىز اسىرەسە، بالا مۇعالىمدەرمەن، قۇرداستارىمەن نەمەسە جاسى ۇلكەن بالالارمەن داۋلاسىپ قالسا، بالاڭىزدىڭ جاعىندا بولا ءبىلىڭىز. بالاڭىزعا سەنىڭىز، ودان نە بولعانىن سۇراڭىز. ەگەر بالا قاتتى قينالىپ جۇرسە، ءومىر ونى ۇيرەتەدى دەپ، "قاتايتۋدى" ويلاماڭىز. قاجەت بولسا، باسقا مەكتەپكە نەمەسە سەكسياعا اۋىستىرىڭىز. ءسىز - ول ءۇشىن سۇيەنىشسىز، كەز كەلگەن ۋاقىتتا كەلە الاتىن قاۋىپسىزدىك ارالىسىز.
11. ءوزىڭىز دامىڭىز قاتەلىگىڭىزدى مويىنداي ءبىلىڭىز. كىتاپ وقىڭىز. ماماندارعا جۇگىنىڭىز. ەگەر بالاعا ءبىر نارسە ايتىپ، ءبىراق باسقاشا ارەكەت ەتسەڭىز، بالا ەكىنشىسىن ۇيرەنىپ الادى. دامىڭىز، بالاعا ءوز ءومىرىڭىزدى ۇلگى رەتىندە كورسەتىڭىز. ەڭ كەرەمەت تاربيە - ءسىزدىڭ كورسەتكەن جاقسى ۇلگىڭىز.
Massaget.kz