نۇرسۇلتان نازاربايەۆ جاس ساربازدارمەن كەزدەسۋدە
كەزدەسۋدىڭ ق ر تۇڭعىش پرەزيدەنتى كۇنى قارساڭىندا ۇيىمداستىرىلۋى جايدان-جاي ەمەس. وسىدان ءۇش جىل بۇرىن ءدال وسى كۇنى مەملەكەت باسشىسى - ق ر قارۋلى كۇشتەرىنىڭ جوعارعى باس قولباسشىسى قارۋلى كۇشتەردىڭ مادەني وشاعى - ۇلتتىق اسكەري-پاتريوتتىق ورتالىقتى سالتاناتتى تۇردە اشقان بولاتىن.
بۇگىنگى شارا بارىسىندا «جاس سارباز» بالالار مەن جاس وسپىرىمدەر اسكەري-پاتريوتتىق قوزعالىسى» رەسپۋبليكالىق قوعامدىق بىرلەستىگىنىڭ جۇمىسى ەلباسى باياندالىپ، قوزعالىستىڭ وڭىرلەردەگى فيليالدارى ءوز جۇمىسىن باستايتىن بولادى. سونىمەن قاتار، قوزعالىس تاربيەلەنۋشىلەرىنىڭ جاڭا كيىم ۇلگىسى تانىستىرىلادى.
مۇنان بولەك، ق ر پرەزيدەنتىنە ەلىمىزدىڭ قورعانىس مينيسترلىگىنىڭ تاپسىرىسى بويىنشا م. گرەكوۆ اتىنداعى اسكەري سۋرەتشىلەر ستۋدياسى سالعان زاماناۋي قازاقستان ارمياسى مەن قارۋلى كۇشتەردىڭ قۇرىلۋىنداعى جوعارعى باس قولباسشىنىڭ ءرولى تۋرالى كارتينا، ارنايى ەففەكتىلەر قولدانىلعان «وربۇلاق شايقاسى» ديوراماسى كورسەتىلدى.