ا ق ش پرەزيدەنتى ترامپتىڭ ۇشاعى اپاتقا ۇشىرادى

استانا. قازاقپارات - ا ق ش پرەزيدەنتى دونالد ترامپتىڭ جەكە ۇشاعى نيۋ-يوركتەگى LaGuardia اۋەجايىندا باسقا ۇشاقپەن سوقتىعىسقان.

بۇل تۋرالى Associated Press حابارلادى.

وقيعا 28 -قاراشا كۇنى تاڭەرتەڭ بولعان. بۇل اقپاراتتى Trump Organization راستادى. پرەزيدەنتتىڭ Boeing 757 ۇشاعى تۇراقتا تۇرعان كەزدە، وعان Bombardier Global Express اكىمشىلىك ۇشاعى سوقتىعىسقان. ۇشاق Boeing-تى قاناتىمەن ءىلىپ كەتكەن.

وقيعا سالدارىنان ەشكىم زارداپ شەككەن جوق. ۇشاقتىڭ قالاي زاقىمدالعانى ازىرگە حابارلانبادى. اۋەجاي ءوز جۇمىسىن شتاتتىق رەجىمدە جالعاستىرىپ جاتىر.

ترامپتىڭ Boeing 757 ۇشاعىن 2011 -جىلى 100 ميلليون دوللارعا ساتىپ العانى بەلگىلى. ول بۇل ۇشاقتى 2016 -جىلى سايلاۋالدى ناۋقانىندا بەلسەندى پايدالانعان بولاتىن.