نۇرسۇلتان نازاربايەۆتىڭ قاتىسۋىمەن سەگىزىنشى ازاماتتىق فورۋم باستالدى
ەكى كۇندىك شاراعا ۇكىمەتتىك ەمەس ۇيىمداردىڭ، مەملەكەتتىك جانە حالىقارالىق ۇيىمداردىڭ، بيزنەس قاۋىمداستىقتىڭ 850 دەن استام وكىلى، سونداي-اق قوعام قايراتكەرلەرى قاتىسۋدا. فورۋم اياسىندا 2018-جىلدان 2025-جىلعا دەيىنگى ازاماتتىق قوعامدى دامىتۋ تۇجىرىمداماسى ۇسىنىلماق.
ايتا كەتەيىك، ازاماتتىق فورۋم الەۋمەتتىك باستامالاردىڭ ەڭ ۇزدىك تاجىريبەلەرىن ۇسىنىپ، ازاماتتىق قوعامنىڭ قازىرگى بەينەسىن كورسەتۋ ءۇشىن ەكى جىلدا ءبىر رەت وتكىزىلەدى.
فورۋمنىڭ سەگىزىنشى وتىرىسىنىڭ اياسىندا سەمينارلار مەن شەبەرلىك ساباقتار، دوڭگەلەك ۇستەل وتىرىستارى، پىكىرتالاس الاڭدارى، مينيسترلىكتەر جانە ۆەدومستۆو باسشىلارىمەن سالالىق كەزدەسۋلەر فورماتىندا 35 تاقىرىپتىق سەسسيا بولادى. فورۋم بارىسىندا ازاماتتىق قوعام ينستيتۋتتارىنىڭ بىرىگە قىزمەت ەتۋ ماسەلەلەرى، مەملەكەتتىك مەكەمەلەر مەن ۇكىمەتتىك ەمەس ۇيىمدار اراسىنداعى قۇقىقتىق قارىم-قاتىناس بازاسىن دامىتۋ بويىنشا ۇسىنىستار تالقىلانادى.
ايتا كەتەيىك، سەگىزىنشى ازاماتتىق فورۋم جۇمىسى كەشە باستالىپ، وندا قوعامدىق دامۋ ءمينيسترى دارحان كالەتايەۆ قازاقستاننىڭ دونورلىق تۇرعىداعى ۇستانىمى تۋرالى ايتىپ بەردى.
سونداي-اق ق ر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى ايدا بالايەۆا ازاماتتىق سەكتوردىڭ كەلەشەگى تۋرالى اڭگىمە ءوربىتتى.