جالعىزدىقتا ىسكە اسىرۋعا بولاتىن ىستەر

 استانا. قازاقپارات - دەمالىستىڭ بارلىعىندا دوستارىمىزبەن، تۋىستارىمىزبەن كەزدەسۋ مۇمكىندىگى تۋا بەرمەيدى. كەيدە جالعىز قالاتىنىمىز بار.

سونداي ساتتە ۋاقىتتى قالاي وتكىزەرىمىزدى بىلمەي دال بولامىز. سوندىقتان، ۋاقىتتى تەككە وتكىزىپ الماۋدىڭ مىناداي جولدارىن ۇسىنامىز:

 1. وزىڭىزگە كەشكى اس دايىنداڭىز. جالعىز قالعانىڭىزدى سىلتاۋراتىپ، سىرتتان جۇرەك جالعاۋ ءۇشىن بالىشتەر نەمەسە تەز دايىندالاتىن تاعام الاتىنىمىز بار. نەسى بار؟ ! وسى جولى ءوزىڭىزدى ەركەلەتىپ، تەك وزىڭىزگە ارنالعان كەشكى اس دايىنداپ كورىڭىز.

 2. بيلەپ الىڭىز. قۇلاعىڭىزعا قۇلاققاپتى كيىڭىز دە، مۋزىكانى بار داۋىسىنا قويىڭىز. ەندى سىزگە ەشكىم كەدەرگى جاسامايدى. بي - ىشتەگى بارلىق مۇڭ، ويدان ارىلتاتىن جەڭىل سپورت ءتۇرى. ءسىزدى ەشكىم سوكپەيدى. جالعىزدىقتا بيلەپ الۋ ءسىزدى سەرگەك ەتە تۇسەدى.

 3. قىدىرىپ قايتىڭىز. جىلى كيىنىپ الىڭىز دا، ءبىر سەرۋەندەپ قايتىڭىز. كوشەلەرگە زەر سالىپ قاراڭىز. قانداي وزگەرىستەر ورىن العان ەكەن؟ كۇيبەڭ تىرلىكپەن ءجيى بايقاي بەرمەيمىز. ءبىراق، قالا دا، اۋىل دا ىلعي دامۋ مەن ۇزدىكسىز ۇردىستەر ءجۇرىپ جاتادى.

 4. كىتاپ وقىڭىز. دوسىڭىزدان سۇراپ العان كىتابىڭىزدى ءالى اياقتامادىڭىز با؟ ەندەشە وسى ءساتتى پايدالانىپ، اياقتاپ تاستاڭىز.

 5. ءۇي تىرلىگىمەن اينالىسىڭىز. ءۇيدى جيناپ، كىر جۋىپ، ىدىستاردى ورنىنا ورنالاستىرۋ ءسىز بىلە بەرمەيتىن راحات سەزىمىن سىيلايدى. ۋاقىتىڭىزدىڭ تەككە وتپەگەنىن سەزەسىز. سەريالدار مەن الەۋمەتتىك جەلىگە، ۇيقىعا ۋاقىتىڭىزدى ارناساڭىز دەمالعانىڭىزدى سەزبەيسىز. سول سەبەپتى، ءار ءساتتى ءتيىمدى وتكىزىڭىز.

 

Massaget.kz