استانادا قاڭعىباس مىسىقتارعا ارنالعان ۇيشىكتەر پايدا بولادى
16:17, 26 - قاراشا 2018
استانا. قازاقپارات - استاناداعى ءبىرقاتار تۇرعىن ءۇي كەشەنىندە قاڭعىباس مىسىقتارعا ارنالعان ۇيشىكتەر ورناتىلادى. بۇل تۋرالى 24.kz حابارلايدى.
مۇنداي ەرەكشە باستامانى جۋرناليست زارينا احمەتجانوۆا ۇسىنعان. ەندىگى جارىمجان جاندار مىسىقتارعا ارنالعان ۇيشىكتەر تۇرعىزاتىن بولادى.
احمەتجانوۆانىڭ سوزىنشە، مىسىقتارعا ارنالعان ۇيشىكتەر باسپانانىڭ بالاماسى بولىپ تابىلمايدى.
«ۇيشىكتەر - قالادا قورعاۋعا مۇقتاج باسقا دا كىشكەنتاي جاراتىلىستار بار ەكەنىن ادامدارعا كورسەتۋگە دەگەن تالپىنىس» ، - دەيدى جۋرناليست.
الداعى بىرنەشە كۇننىڭ ىشىندە قالاداعى كەمىندە ون تۇرعىن ءۇي كەشەنىنىڭ اۋلاسىندا مىسىقتاردىڭ ۇيشىگى پايدا بولادى. بۇل جونىندە پاتەر يەلەرىنىڭ كووپەراتيۆىمەن كەلىسىمشارت جاسالعان.
ءوز كەزەگىندەزارينا احمەتجانوۆا ەلوردا تۇرعىندارى ءوزىنىڭ مەيىرىمدىلىككە ۇندەيتىن باستاماسىنا قولداۋ بىلىدىرەدى دەپ ۇمىتتەنەدى.