مەملەكەتتىك ورگاندار مەملەكەتتى ءتىلدى كەڭىنەن قولدانۋى ءتيىس - مينيسترلىك

استانا. قازاقپارات - مەملەكەتتىك ورگاندار ءوز سالالارى بويىنشا اتقارىلاتىن جۇمىستارىندا مەملەكەتتىك ءتىلدى كەڭىنەن قولدانۋى ءتيىس.

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا تىلدەردى قولدانۋ مەن دامىتۋدىڭ 2011-2019 -جىلدارعا ارنالعان مەملەكەتتىك باعدارلاماسىن جۇزەگە اسىرۋ بارىسى جايىندا بايانداعان ق ر مادەنيەت جانە سپورت ۆيتسە- ءمينيسترى اقتوتى رايىمقۇلوۆا ايتتى، دەپ حابارلايدى قازاقپارات ءتىلشىسى.

«بىرىنشىدەن، تىلدەردى وقىتۋ ورتالىقتارى مۇلدە جوق نەمەسە وتە از وڭىرلەردە اكىمدىكتەر جانىنداعى مەملەكەتتىك وقىتۋ ورتالىقتارىن اشۋ جانە سانىن ارتتىرۋ قاجەت. ەكىنشىدەن، مەملەكەتتىك ورگاندار ءوز سالالارى بويىنشا اتقارىلاتىن جۇمىستارىندا مەملەكەتتىك ءتىلدى كەڭىنەن قولدانۋى ءتيىس»، - دەدى ول.

ۇشىنشىدەن، ۆيتسە- مينيستر قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنە جانە «قازاقستان رەسپۋبليكاسىنداعى تىل تۋرالى» زاڭنىڭ 23-بابىنا سايكەس، 2019 -جىلدىڭ سوڭىنا دەيىن مۇددەلى ورتالىق جانە جەرگىلىكتى اتقارۋشى ورگاندارمەن بىرلەسە وتىرىپ، تىلدەردى قولدانۋ مەن دامىتۋدىڭ 2020-2024 -جىلدارعا ارنالعان مەملەكەتتىك باعدارلاماسىن ازىرلەۋ تۋرالى ۇسىنىستى قولداۋدى سۇرادى.

 بۇعان دەيىن اقتوتى رايىمقۇلوۆا مەملەكەتتىك تىلدەگى قۇجات اينالىمى 93 پايىزعا جەتكەنىن ءمالىم ەتتى.

اۆتور: مارلان جيەمباي