قازاقستانعا كۇزگى جىلۋ قايتا ورالادى - سينوپتيكتەر

استانا. قازاقپارات - سينوپتيكتەر الداعى 27-29 -قاراشاعا اۋا رايى بولجامىن ۇسىندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«قىس جاقىنداپ كەلەدى، ءبىراق قازاقستاندا وتكىنشى سۋىقتان كەيىن كۇزگى جىلى اۋا رايى ورالادى. الداعى ءۇش تاۋلىكتە اۋا تەمپەراتۋراسى جوعارىلايدى، ءبىراق كوپتەگەن وبلىستا كۇن بۇلتتانىپ، جاۋىن- شاشىن جاۋادى. رەسپۋبليكانىڭ سولتۇستىك جارتىسىندا بۇرقاسىن سوعىپ، باتىستان ەكپىندى جەل سوعادى. وڭتۇستىك جانە وڭتۇستىك- شىعىس وبلىستاردا كۇندىزگى تەمپەراتۋرا +5...15 گرادۋسقا دەيىن، رەسپۋبليكانىڭ سولتۇستىگىندە، ورتالىعى مەن شىعىسىندا 0...+5 گرادۋسقا دەيىن كوتەرىلەدى»، - دەلىنگەن سينوپتيكتەردىڭ حابارلاماسىندا.

تەك، باتىس وڭىرلەردە اۋا تەمپەراتۋراسى +2...13 گرادۋستان 0...8 گرادۋسقا دەيىن تومەندەۋى ىقتيمال.