دانيار ەلەۋسىنوۆ بەسىنشى جەڭىسىنىڭ قۇپياسىن اشتى

استانا. قازاقپارات - قازاقستاندىق بوكسشى دانيار ەلەۋسىنوۆ (5-0، 3 ك و) مونتە-كارلوداعى (موناكو) بوكس كەشىندە نيكاراگۋالىق ماركوس موحيكانى (16-3-2، 12 ك و) نوكاۋتقا تۇسىرگەن جەڭىسى تۋرالى پىكىر ءبىلدىردى، دەپ جازادى Sports.kz.

«باقىتتىمىن، وتە جاقسى ونەر كورسەتە الدىم. دجون دەۆيد دجەكسوننىڭ قولاستىندا شەبەرلىگىم ارتا تۇسكەنىن بايقاپ ءجۇرمىن. بارشاعا، كومانداما، ەددي حيرنگە راحمەت! ءوز كۇشىمە سەنەمىن بە؟ مەن كوبىرەك دەر كەزىندە ۇرا الاتىنىما سەنەمىن. جالپى، مونتە-كارلوداعى جەكپە-جەكتى ءوز باسىم تاماشا وتكىزدىم، بۇل ۇلكەن شوۋ، جاڭا دەڭگەي»، - دەدى ەلەۋسىنوۆ.

ەسكە سالا كەتەيىك، دانيار ەلەۋسىنوۆ ءۇشىن بۇگىنگى جەڭىسى كاسىپقوي مانسابىنداعى ءۇشىنشى نوكاۋت بولدى. بۇعان دەيىن ەكى امەريكالىقتى نوكاۋتپەن جەڭگەن: نوا كيددتى (3-1-1، 2 ك و) ءۇشىنشى راۋندتا، مەتت دوەرتيدى (8-6-1، 4 ك و) ءبىرىنشى راۋندتا-اق تىزە بۇكتىردى.