تۇركيادان كەلگەن ماماندى قازاقستانداعى ادامداردىڭ ازدىعى تاڭعالدىردى
وكىنىشكە وراي، گيگيەنا ماسەلەسىنە كەلگەندە ءبىزدىڭ ەلىمىزدە دە بالالار ءۇشىن قولايلى جاعدايلار تولىقتاي جاسالماعان.
بۇگىنگى كۇنى قازاقستاندا دارەتحانا ماسەلەسى وزەكتى پروبلەمالاردىڭ بىرىنە اينالعان دەسەك، ارتىق ايتقانىمىز ەمەس. وسىعان قاتىستى Unilever تۇركيا كومپانياسىنىڭ برەند- مەنەدجەرى مەرۆە ەتيك (Merve Etik) Stan.kz اقپاراتتىق اگەنتتىگىنىڭ تىلشىسىنە تازا دارەتحانانىڭ بالا ومىرىندەگى ماڭىزىن جانە بالاعا تازالىق تۋرالى تاربيەنى قانشا جاستان باستاپ بەرۋ كەرەكتىگىن ايتىپ بەردى.
مەرۆە، قازاقستانعا العاش كەلگەندە ەلىمىز سىزگە قانداي اسەر قالدىردى؟
مەن نەگىزى ءار اي سايىن تۇركيادان قازاقستانعا بەس كۇنگە كەلىپ تۇرامىن. قازاقستانعا العاش رەت كەلگەندە مەنى ىستامبۇلمەن سالىستىرعاندا مۇنداعى ادامداردىڭ ازدىعى تاڭعالدىردى. كوزىم تۇركياداعى توپىرلاعان ادامدارعا ۇيرەنىپ قالعان عوي. ءبىراق ماعان قازاقستاننىڭ تابيعاتى، كەرەمەت تاۋلارى، جالپى مەملەكەتتىڭ ءوزى وتە ۇنايدى. سوسىن تاعامدارعا كەلەر بولساق، مۇندا ەتتىڭ ءدامى باسقاشا. كاۋاپ، مانتى سۇيىكتى تاعامدارىمنىڭ قاتارىندا. وليۆە سالاتىنىڭ ءدامى دە قازاقستاندا وزگەشە، ءدامدى.
كومپانيا العاش رەت ءوز جۇمىسىن باستاعاندا قيىندىقتار بولدى ما؟ قازاقستاندىقتار تۇسىنىسپەۋشىلىك تانىتتى ما؟
باسىنان باستاپ وڭاي بولعان جوق. سەبەبى، ەشكىم ءوزى تازالاپ جۇرگەن دارەتحانانىڭ تازا ەمەس ەكەنىنە سەنبەيدى. ادامدارعا ولاردىڭ تازا دەپ ساناپ جۇرگەندەرى تازالىق ءۇشىن جەتكىلىكسىز ەكەنىن ءتۇسىندىرۋ قيىنعا سوقتى. ءبىراق ناتيجەسىندە ءبىز بارلىق كەدەرگىلەردەن ءوتىپ شىقتىق. قاراپايىم تۇتىنۋشىمەن سالىستىرعاندا مامان رەتىندە تازالىق تۋرالى كوبىرەك اقپاراتتى بىلگەن سوڭ، ماقساتىمىزعا جەتتىك.
بۇل پروبلەما تەك قازاقستاندىق ەمەس، كۇللى جاھاندىق. ويتكەنى، الەمدەگى ادامداردىڭ كوپشىلىگى تازا دارەتحاناعا قول جەتكىزە المايدى. قازاقستاندا باعدارلاما ءۇش جىل كولەمىندە جۇمىس ىستەيدى جانە الدىندا تۇرعان ۇلكەن ماقساتىنا جەتۋگە ۇمتىلادى. ءبىز «گيگيەنا دەگەن نە؟ » «ونى نە ءۇشىن ساقتاۋ كەرەك؟ » دەگەن تاقىرىپتاردا بالالار مەن ولاردىڭ اتا- انالارىنا ترەنينگتەر مەن سەمينارلار وتكىزدىك.
مەرۆە، اتا- انا دارەتحانانى دۇرىس پايدالانۋدى، ونداعى تازالىقتى ساقتاۋدى بالاسىنا قانشا جاستان باستاپ ۇيرەتۋى كەرەك؟
كىشكەنتاي كەزىنەن، 4-5 جاستان باستاپ ۇيرەتكەن دۇرىس دەپ ويلايمىن. سەبەبى، بالالار ۇلكەندەرگە قاراعاندا تەز ۇيرەنەدى. تازالىق - دەنساۋلىقتىڭ كەپىلى ەكەنىن ايتۋ، دارەتحانانى تازا ۇستاۋ - ءار اتا- انانىڭ مىندەتى.
مەكتەپتەگى گيگيەنالىق ساۋاتتىلىقتى ارتتىرۋعا، وقۋشىلارعا دارەتحانانى دۇرىس پايدالانۋدى ۇيرەتۋگە باعىتتالعان باعدارلاما تاعى دا الەمنىڭ قانداي ەلدەرىندە جۇمىس ىستەيدى؟
باعدارلاما وتىزدان اسا مەملەكەتتە بار. الەمدە تازا دارەتحانا تۋرالى تۇسىنىگى جوق كەدەي ەلدەر بار. سوندىقتان باعدارلاما وڭىرلەرگە دارەتحانالاردى سالىپ بەرۋگە باعىتتالعان. قازاقستاندا ونىڭ ءمانى كىشكەنە وزگەرتىلىپ، تازالىق، دارەتحاناداعى گيگيەنا تاقىرىپتارىنا اۋىستى. جالپى، قازاقستان، گەرمانيا، ينديادا باعدارلامانىڭ جۇمىسى ءارتۇرلى. سەبەبى، مەملەكەتتەردىڭ سۇرانىستارى ءبىر- بىرىنەن ەرەكشەلەنەدى.
Stan.kz