ۋكراينا كونستيتۋتسيالىق سوتى ە و مەن ناتو- عا قوسىلۋدى ماقۇلدادى

استانا. قازاقپارات - ۋكراينانىڭ كونستيتۋتسيالىق سوتى ەلدىڭ ەۋروپا وداعى (ە و) مەن ناتو- عا قوسىلۋ شەشىمىن ماقۇلدادى. ە و مەن ناتو- عا قوسىلۋ تۋرالى زاڭ جوباسىن پرەزيدەنت پەتر پوروشەنكو ۇسىنعان. سوت ماقۇلداۋى ۋكراينانىڭ اتالعان ۇيىمدارعا قوسىلۋ نيەتىن رەسمي تۇردە بەكىتەدى.

ناتو- نىڭ پارلامەنتتىك اسسامبلەياسى شىعىس ەۋروپادا «رەسەي قاۋىپ- قاتەرىنە قارسى تۇرۋ ءۇشىن» ۋكراينانى اليانسقا قوسۋدى تالاي رەت ۇسىنعان. ماسكەۋ بولسا شىعىس ەۋروپادا باسقىنشىلىق ساياسات جۇرگىزىپ وتىرعانىن جوققا شىعارادى.

ۋكراينا ە و مەن ناتو- عا قوسىلۋ ءۇشىن ءبىرقاتار ەكونوميكالىق جانە ساياسي رەفورمالار جۇرگىزۋى كەرەك. پوروشەنكو مۇنداي رەفورمالار 2030 -جىلعا قاراي جاسالاتىنىن مالىمدەگەن. دەگەنمەن، ۋكراينا قازىر ناتو- مەن بىرلەسكەن اسكەري جاتتىعۋلاردى ءجيى وتكىزەدى. رەسەي ناتو- نىڭ شىعىس ەۋروپاعا قاراي ۇلعايۋىنا قارسى شىعىپ، اۋقىمدى اسكەري جاتتىعۋ وتكىزىپ ءجۇر.

2013 -جىلى ەۋرومايدان دەپ اتالعان جاپپاي حالىق تولقۋىنا قاتىسقاندار ۋكراينانىڭ ەۋروپا وداعىنا قوسىلۋىن تالاپ ەتكەن. قازىر ۋكراينادا ەۋرومايداننىڭ باستالعانىنا بەس جىل تولعانىن اتاپ ءوتىپ جاتىر.

www.azattyq.org