پەتروپاۆلدا ازيا چەمپيونىن اۆتوبۋس قاعىپ، مەرت قىلدى

پەتروپاۆل. قازاقپارات - پەتروپاۆلدا زىلتەمىردى شالقالاي جاتىپ كوتەرۋ (كلاسسيكالىق ءتۇرى) سپورتىنان ازيا چەمپيونى ۆيكتوريا شەستوپالوۆا قازا تاپتى، دەپ حابارلايدى قازاقپارات ءتىلشىسى.

بۇل تۋرالى Facebook الەۋمەتتىك جەلىسىندە وبلىستىق دەنە شىنىقتىرۋ جانە سپورت باسقارماسىنىڭ باسشىسى رۋسلان ەسەنالين جازدى.

«وبلىستىق بارلىق سپورت قاۋىمداستىقتارى كەرەمەت جاس سپورتشى - ءوڭىر مەن ەل ماقتانىشىنىڭ قازا تابۋىنا بايلانىستى قايعىرىپ، كوڭىل ايتادى» - دەپ جازدى ر. ەسەنالين.

پوليتسيا دەپارتامەنتىنىڭ باسپا ءسوز قىزمەتى 23 جاستاعى بويجەتكەننىڭ جول- كولىك وقيعاسىنان قازا تاپقانىن راستادى.

«21 -قاراشادا كەشكى ساعات 18:00 شاماسىندا پەتروپاۆلدا جابايەۆ- چايكوۆسكي كوشەلەرىنىڭ قيىلىسىندا مارشرۋتتىق اۆتوبۋس جۇرگىزۋشىسى 23 جاستاعى قالا تۇرعىنىن قاعىپ كەتتى. بويجەتكەن العان جاراقاتى سالدارىنان قازا تاپتى. وقيعانىڭ ءمان- جايى انىقتالىپ جاتىر»، - دەپ ءتۇسىندىردى باسپا ءسوز قىزمەتى.

«كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» قىلمىستىق بابى بويىنشا سوتقا دەيىنگى تەرگەۋ امالدارى باستالدى. ساراپتاما تاعايىندالدى.