نيۋ- يوركتە جاپادان جالعىز وتىرىپ تاماقتاناتىندار ءۇشىن مەيرامحانا اشىلدى

استانا. قازاقپارات - قوعامنان وقشاۋلانعىسى كەلگەن ا ق ش ازاماتتارى ءۇشىن نيۋ- يوركتە ەرەكشە مەيرامحانا اشىلدى. وندا ادەتتەگىدەي بانكەت زالى مەن داياشىلار جوق، تەك جالعىز ورىنعا ارنالعان كابينالار ءتىزىلىپ تۇر.

 كەلۋشىلەرگە قىزمەتكەرلەرمەن قارىم- قاتىناسقا ءتۇسۋدىڭ دە قاجەتى جوق. تاپسىرىستى قاعازعا جازىپ جىبەرەدى، ال ونى تولەۋ ءۇشىن ارنايى اۆتوماتتار ورناتىلعان. مەيرامحانا باسشىلىعىنىڭ ايتۋىنشا، ادامدارمەن قارىم- قاتىناستان شارشاعان قوناقتارعا بارىنشا قولايلى جاعداي جاسالعان.

كەيلا كوپەلاند، مەيرامحانا قىزمەتكەرى:

- بۇل ءبىز كۇندە بارىپ جۇرگەن مەيرامحانالارعا مۇلدەم ۇقسامايدى. ادەتتە ادامدار تىنىش تاماقتانۋدىڭ ورنىنا بىرەۋمەن سويلەسىپ وتىرادى. ال مىنا جەردە كەلۋشىلەر تابەتىمەن، ىقىلاسىمەن اس ىشەتىن بولادى.

www.24.kz