شۋلى قالا سەمىزدىككە شالدىقتىرادى

 استانا. قازاقپارات - قالا ەكولوگياسى دەنساۋلىققا زيان ەكەنىن جاقسى بىلەمىز. ال قالانىڭ شۋى سەمىزدىككە سەبەپكەر بولادى دەپ كىم ويلاعان؟

كۇندەلىكتى قاربالاس تىرشىلىكتەن شارشاپ، ءبىر مەزەت جانىمىزعا تىنىشتىق ىزدەيتىنىمىز بار. وندايدا اۋىلعا بارىپ، بولماسا قالا سىرتىنا شىعىپ تىنىستاساق ءبىر سەرگىپ قالاتىنىمىز راس. سەبەبى شۋلى قالاداعى كۇندەلىكتى قايتالانا تۇسەتىن ءىس پەن دىبىس تا ادامدى جالىقتىرادى. قالاداعى كولىك قوزعالىسى، كوشەدەگى ايقاۋ- شۋ، مەيرامحانالارداعى اۋەندەر، بارلىعى- بارلىعى ادام پسيحيكاسىنا ءوز اسەرىن تيگىزەدى. ءتىپتى جاقىندا بارسەلوناداعى دەنساۋلىق ساقتاۋ زەرتتەۋ ينستيتۋتىنىڭ عالىمدارى قالاداعى شۋ سەمىزدىككە دە سەبەپكەر بولادى دەگەن قورىتىندى جاسادى.

Environment International حابارلاعانداي، عالىمدار بۇعان قاتىستى 10 جىلعا جۋىق تاجىريبە جاساعان. وعان 4000 عا جاقىن ادام قاتىسقان. زەرتتەۋشىلەر ولاردىڭ سالماعىن، بەلىن، دەنە مۇسىنىندەگى بارلىق كورسەتكىشتەرىن نازارعا الىپ وتىرعان. شىندىعىندا شۋلى ايماقتاردا تۇراتىن تاجىريبەگە قاتىسۋشىلار ۋاقىت وتە كەلە جىلدام سالماق قوساتىنى انىقتالعان. ياعني 10 د ب شۋدىڭ ءوزى سەمىزدىككە شالدىقتىرۋدى  عا ارتتىرعان. ونىڭ ىشىندە تەمىرجول ماڭىنداعى تۇرعىندار ءۇشىن قاتتى اسەر ەتكەن. ال ۇشاق داۋىسى ەشقانداي قاۋىپ كەلتىرمەپتى.

زەرتتەۋ بارىسىندا عالىمدار ءتۇرلى ءادىس- تاسىلدەردى قولدانعان. بارلىق جاعدايدا قالاداعى شۋ سەمىزدىككە اسەرى بارى بايقالعان. وسىعان دەيىن ماسساچۋسەتس (ا ق ش) اۋرۋحاناسىنىڭ قىزمەتكەرلەرى قالانىڭ شۋلى ايماقتارىندا تۇراتىن تۇرعىندار جۇرەك- قان تامىرلارى دەرتىنە ءجيى شالدىعاتىنى جايلى MediicalXpress پورتالىندا جازعان بولاتىن. شۋلى قالا ادامنىڭ كۇيزەلىسكە شالدىعۋىنا دا اسەر ەتەدى ەكەن.

Massaget.kz