ماماندار مونشا مەن ونىڭ كارىز قۇبىرىن توپىراقتان ارشىپ الىپتى. تاريحي جادىگەردىڭ ورتا عاسىرعا ءتان ەكەنىن قۇبىر جانىنان تابىلعان ەسكى تيىندار ايعاقتاپ وتىر. بۇل جەر شويتوبە دەگەن اتپەن بەلگىلى. 8-10- عاسىرلاردا شاۋعار دەپ اتالىپ، تۇركىستان ءوڭىرىنىڭ ورتالىعى بولعان ەكەن. سونىمەن قاتار ارحەولوگتار وسىدان ەكى جىل بۇرىن سايرام اۋدانىنداعى حان- قورعان قالاشىعىنان دا مىڭ جىل بۇرىن سالىنعان مونشانى تاپقان بولاتىن.
ونى الكەي مارعۇلان اتىنداعى ارحەولوگيالىق ينستيتۋتىنىڭ ماماندارى 10-عاسىرداعى ساماني كەزەڭىنە جاتقىزعان ەدى. ەسكى مونشا 5 بولمەدەن تۇرادى. قازبا جۇمىستارى كەزىندە مونشانىڭ جىلىتۋ جۇيەسى، ەكى جۋىناتىن جانە بۋمەن قىزدىرىنۋ بولمەسى تابىلعان. كەيبىر دەرەكتەردە بۇل ماڭ مادان- كەنت قالاسىنىڭ ورنى دەپ كورسەتىلگەن. ال ەلىمىزدە وسى سىندى مونشالار تاراز بەن تۇركىستاندا كەزدەسەدى.
www.24.kz