ەگيپەت بيلىگى قازاقستانعا ىزدەۋدە جۇرگەن ادامدى ۇستاپ بەردى
10:11, 20 - قاراشا 2018
استانا. قازاقپارات - بۇگىن باس پروكۋراتۋرا قىزمەتكەرلەرى قازاقستاننىڭ ءى ءى م ينتەرپولمەن بىرلەسىپ قىلمىستىق جاۋاپقا تارتۋ ءۇشىن بەيبىت سەرعازيەۆتى ەگيپەتتەن قازاقستانعا ەكستراديتسيالادى، دەپ حابارلايدى اتالعان ۆەدومستۆونىڭ باسپا ءسوز قىزمەتى.
ۇستالعان ادام كىسى ولىمىنە كۇدىكتى ادامداردىڭ پايداسىنا سوتتا كورىنەۋ جالعان ايعاق بەردى دەپ ايىپتالادى.
سەرعازيەۆ ەشقايدا كەتپەۋ تۋرالى قولحات تۇرىندەگى بۇلتارتپاۋ شاراسىن بۇزىپ، تەرگەۋ ورگاندارىنان جاسىرىنعان، وسىعان بايلانىستى وعان حالىقارالىق ىزدەۋ جاريالاندى.
ونى ەكستراديتسيالاۋ قازاقستاندىق قىلمىستىق قۋدالاۋ ورگاندارىنىڭ ەگيپەتتىك ارىپتەستەرىمەن بىرلەسكەن ارەكەتتەرىنىڭ ارقاسىندا مۇمكىن بولدى.
ول استانا قالاسىنىڭ تەرگەۋ يزولياتورىنا قامالدى، وندا سوت ۇكىمى شىعارىلعانعا دەيىن ۇستالاتىن بولادى.