موناكودا دانيار ەلەۋسىنوۆپەن بىرگە تاعى ءبىر قازاقستاندىق ونەر كورسەتەدى

بۇل تۋرالى «قازاقستاننىڭ كاسىپقوي بوكسى» اككاۋنتى ۆكونتاكتە الەۋمەتتىك جەلىسىندە جازدى، دەپ حابارلايدى قازاقپارات.

دانيار ەلەۋسىنوۆتىڭ كاسىبي رينگتەگى ءتورتىنشى ايقاسى تىكەلەي ەفيردەن كورسەتىلەدى

BoxRec.com سايتىنىڭ مالىمەتىنشە، سۇلتان زاۋربەكتىڭ جەكپە- جەگى ءتورت راۋندتان تۇرادى. قارسىلاسى ازىرگە بەلگىسىز.

ايتا كەتەيىك، زاۋربەك بيىلعى 26 - قازان كۇنى لوندوندا العاش رەت كاسىپقوي رينگكە شىقتى. وندا 34 جاستاعى قارسىلاسى - نيكاراگۋا بوكسشىسى حوسە اگيلارانى (16-53-4, 6 ك و) ۇپاي سانىمەن ۇتتى. BoxRec- ءتىڭ حابارلاۋىنشا، سۇلتاننىڭ كاسىپقوي بوكستا ءۇشىنشى ايقاسى دا جوسپارلانىپ قويعان - ول 14 - جەلتوقسان كۇنى لوندوندا وتەدى.

 ەسكە سالا كەتەيىك، 24 - قاراشا كۇنى موناكونىڭ مونتە- كارلو قالاسىندا قازاقستاندىق بوكسشى دانيار ەلەۋسىنوۆ (4-0, 2ك و) جەكپە- جەككە شىعادى. ونىڭ قارسىلاسى نيكاراگۋالىق بوكسشى، 33 جاستاعى ماركوس موحيكا (16-2-2, 12 ك و) . ەلەۋسىنوۆ جارتىلاي ورتا سالماقتاعى ءتورتىنشى جەڭىسىنە اعىمداعى جىلدىڭ 21 - قازانىندا قول جەتكىزگەن بولاتىن.

«كازينو دە مونتە- كارلودا» وتەتىن بوكس كەشىنىڭ اندەركارتىندا وزگە دە جەكپە- جەكتەر جوسپارلانعان. ال باستى ايقاس ءبىرىنشى اۋىر سالماقتاعى الەمنىڭ ەكس- چەمپيونى رەسەيلىك دەنيس لەبەديەۆ (31-2, 23 ك و) پەن امەريكالىق مايك ۋيلسون (19-0, 8 ك و) اراسىندا وتەدى.