ونىڭ سوزىنە قاراعاندا، اربيتراجدىق پروتسەستە تاراپتار مۇنداي داۋدى جابىق رەجىمدە قاراۋعا ۋاعدالاسقان.
«ءبىز ول جايىندا شەشىم شىققاننان كەيىن عانا ايتا الامىز. ونىڭ وزىندە دە بارلىق ءمان-جايدى اشپايمىز. بارلىق قۇجات بىردەي جاريا بولمايدى. بۇل سوت پروتسەسىنەن اربيتراجدىق داۋدىڭ باستى ايىرماشىلىعى. ءبىراق، تۇرىك كاسىپكەرى ءبىراز جىل بۇرىن كەلگەنىن جانە اتىراۋ اۋەجايىن 50/50 باسقارعانىن ايتا الامىز. ەكونوميكامىز دامىپ كەلەدى جانە اتىراۋ اۋەجايى دا دامۋى قاجەت. وسى رەتتە تاراپتاردىڭ اراسىندا ونى دامىتۋعا، كىرىستى بولۋگە قاتىستى قاراما-قايشىلىق تۋىندادى. ياعني، قازاقستانعا مول قاراجات قۇيىپ، تەرمينال سالىپ، ۇلكەن قۇرال-جابدىقتار ساتىپ الىپ، ناۆيگاتسياعا ارنالعان جابدىقتاردى جاڭارتىپ، ۇشۋ-قونۋ جولاعىن قالپىنا كەلتىرىپ اۋەجايدى دامىتۋ قاجەت بولدى. مۇنداي ماسەلەنىڭ بارلىعى قاراجاتتى قاجەت ەتەدى»، - دەدى ول.
ونىڭ پايىمىنشا، قاراجات قۇيماي تۇرىپ ۇلكەن كىرىسكە ءۇمىت ارتۋعا بولمايدى.
«شامامەن وسى ماسەلەلەر توڭىرەگىندەگى ءمان-جايلاردى انىقتاۋ بولدى. قورىتىندىسىندا ءبىز ءوز ۇستانىمىزدى جاقتاپ شىقتىق جانە تۇرىك كاسىپكەرىنىڭ بارلىق تالاپتارى قابىلدانبادى. ەندىگى ۋاقىتتا اتىراۋ وبلىسىنىڭ اكىمدىگى اۋەجايدى ءتيىمدى جانە جىلدام دامىتا الاتىندىعىنا قۋانىشتىمىز»، - دەدى مارات بەكەتايەۆ.
بۇعان دەيىن حابارلاعانىمىزداي، 8- قاراشادا حالىقارالىق ساۋدا پالاتاسىنىڭ جانىنداعى تورەلىك تريبۋنال «Mağdenli Yer Hizmetleri ve Taşıma Anonim Şirketi» تۇرىك كومپانياسىنىڭ قازاقستان رەسپۋبليكاسىنا قارسى بەرگەن بارلىق تالاپتارىن قابىلداماۋ بويىنشا شەشىم شىعاردى.