عالىمدار عاشىقتىقتىڭ دەنساۋلىققا پايداسىن انىقتادى

 استانا. قازاقپارات - باتىس ۆيرگينيا ۋنيۆەرسيتەتىنىڭ عالىمدارى عاشىقتىق پەن شىنايى سەزىمدەردىڭ ادام ءومىرىن ۇزارتۋعا سەپتىگىن تيگىزەتىنىن انىقتادى.

بۇل تۋرالى Life.ru سايتى حابارلايدى.

زەرتتەۋشىلەر پىكىرىنشە، عاشىقتىق سەزىمى ادامنىڭ ميىنا اسەر ەتىپ، ونىڭ اعزاسىن تولىقتاي «ەمدەۋگە» كومەكتەسەدى.

ول باس ميىنداعى ەستە ساقتاۋ مەن شەشىم قابىلداۋعا جاۋاپ بەرەتىن 12 نۇكتەنىڭ قىزمەتىن جاقسارتىپ، ادامنىڭ كۇندەلىكتى جۇمىستا تابىستى بولۋىن قامتاماسىز ەتەدى.

نەيرولوگتار عاشىقتىق ارقىلى ميعا ءبىر مەزەتتە دوفامين جانە وكسيتوتسين سياقتى گورمونداردىڭ ءتۇر-ءتۇرى كەلىپ تۇسەتىنىن ايتۋدا. ول ءوز كەزەگىندە اقىل-ويدى دامىتىپ، بايىپتى شەشىم قابىلداۋعا كومەكتەسەدى.

وعان قوسا ماحاببات سەزىمى ادام اعزاسىنىڭ ينفەكتسيامەن كۇرەسۋدە بەلسەندىلىگىن ارتتىرادى.

ءتۇرلى جاس ارالىعىنداعى 50 ايەلگە جۇرگىزىلگەن زەرتتەۋ ناتيجەسى عاشىق ادامداردىڭ يممۋنيتەتى دە اناعۇرلىق مىقتىراق بولاتىنىن كورسەتكەن.

جۇرەگىندە وت لاۋلاعان ادامداردىڭ اعزاسى ءتۇرلى ۆيرۋستار مەن ينفەكسيالاردى وزدىگىنەن جويۋعا بارىنشا كۇش سالادى.