نازاربايەۆ استانادا رەسەي، قىتاي، ا ق ش جانە ەۋروپالىق وداق كەزدەسۋىن وتكىزۋدى ۇسىندى
بۇل تۋرالى بۇگىن ەلوردادا ءوتىپ جاتقان استانا كلۋبىنىڭ جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«وسى كۇندەرى پاريجدە ءبىرىنشى جانە ەكىنشى الەمدىك سوعىستاردىڭ كەلىسسوزدەر مەن ديالوگتىڭ بولماۋى سالدارىنان باستالعاندىعىن ايتۋدا. مەنىڭ ۇسىنىسىم، ادامزاتتىڭ بولاشاعى تۇرعىسىنان العاندا الەمدىك دەرجاۆالار بارلىق ۋاقىتتا دا الەمدىك ىستەرگە ۇلكەن جاۋاپكەرشىلىكپەن كەلۋى ءتيىس. اسىرەسە، رەسەي، قىتاي، ا ق ش جانە ەۋروپالىق وداق» ، - دەدى ەلباسى.
قازاقستان پرەزيدەنتىنىڭ پايىمىنشا، وسىناۋ ءتورت تاراپ قازىرگى جاعدايدا ديالوگتىڭ جاڭا فورماتىن تابۋى ءتيىس.
نازاربايەۆ استانادا رەسەي، قىتاي، اقش جانە ەۋروپالىق وداق كەزدەسۋىن وتكىزۋدى ۇسىندى «ءبىرىنشى دۇنيەجۇزىلىك سوعىستان كەيىن ا ق ش ۇلتتار ليگاسىنىڭ قۇرىلۋىنا، ەكىنشى دۇنيەجۇزىلىك سوعىستان كەيىن ب ۇ ۇ- عا باستاماشىلىق جاسادى. مەن مۇنىڭ قاراپايىم مىندەت ەمەس ەكەندىگىن تۇسىنەمىن. ءبىراق، اتالعان ءتورت كۇشتىڭ كەزدەسىپ، ەكونوميكالىق، ساياسي، اسكەري جانە وزگە دە پروبلەمالاردى تىپ- تىنىش تالقىلاۋى ءۇشىن استانانى الاڭ رەتىندە ۇسىندىم» ، - دەدى نۇرسۇلتان نازاربايەۆ.
ايتا كەتەيىك، ەلباسى جيىن بارىسىندا ۇلكەن ەۋرازيانىڭ سۇلباسى قالىپتاسىپ كەلە جاتقانىن ايتىپ، رەسەي، اقش جانە قىتاي اراسىنداعى گەوساياسي باسەكەلەستىككە الاڭداۋشىلىق تانىتتى.
سونىمەن قاتار نۇرسۇلتان نازاربايەۆ الەمدىك دەرجاۆالار قارۋلانۋ جارىسىنا قايتا ورالۋى مۇمكىن ەكەندىگىن ەسكەرتتى.
كيبەرتەحنيكا يادرولىق جانە وزگە دە ستراتەگيالىق نىساندارعا قاۋىپ توندىرەتىنىن باسا ايتتى.