ءوڭىرارالىق ىنتىماقتاستىقتىڭ فورۋمىندا ءبىرقاتار قۇجاتتارعا قول قويىلدى

پەتروپاۆل. قازاقپارات - قازاقستان مەن رەسەيدىڭ ءوڭىرارالىق ىنتىماقتاستىعىنىڭ XV فورۋمىندا ءبىرقاتار قۇجاتتارعا قول قويىلدى، دەپ حابارلايدى قازاقپارات.

اتاپ ايتقاندا، ەلباسى نۇرسۇلتان نازاربايەۆ پەن ر ف پرەزيدەنتى ۆلاديمير پۋتين قازاقستان مەن رەسەيدىڭ 2019-2021 -جىلدارعا ارنالعان بىرلەسكەن ءىس- قيمىل جوسپارىنا قول قويدى.

ق ر پرەمەر- ءمينيسترىنىڭ ءبىرىنشى ورىنباسارى اسقار مامين مەن ر ف ەكوميكالىق دامۋ ءمينيسترى ماكسيم ورەشكين ەكى ەل ۇكىمەتتەرى اراسىنداعى ءوڭىرارالىق جانە شەكارا ماڭى ىنتىماقتاستىعىنىڭ 2018-2023 -جىلدارعا ارنالعان باعدارلاماسىن ىسكە اسىرۋ بويىنشا ءىس شارالار جوسپارىن جانە وڭىرلىك باستامالار تىزبەسىن بەكىتتى.

بۇدان بولەك، ق ر ۇلتتىق ەكونوميكا مينيسترلىگى مەن ر ف ەكونوميكالىق دامۋ مينيسترلىگى «قازاقستان- رەسەي شەكارا ماڭى ىنتىماقتاستىعى باعدارلاماسىن دايىنداۋ جانە ىسكە اسىرۋ نيەتى تۋرالى» مەموراندۋمعا قول قويدى.