ۇ ق ش ۇ ەلدەرىنىڭ پرەزيدەنتتەرى قازاقستان اتقارعان جۇمىستاردى جوعارى باعالادى
بۇل تۋرالى ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسىنان كەيىن ب ا ق وكىلدەرىنە مالىمدەمە جاساعان ۇيىم باس حاتشىسىنىڭ ورىنباسارى ۆالەري سەمەرنيكوۆ ايتتى، دەپ حابارلايدى قازاقپارات ءتىلشىسى.
«قازاقستان تاراپى ۇيىمعا ءتوراعالىعى كەزەڭىندە قولعا العان ءورشىل باسىمدىقتارعا ايرىقشا نازار اۋدارىلعاندىعىن ايتۋعا ءتيىسپىن. بۇگىن مەملەكەت باسشىلارىنا جانە بارلىق قاتىسۋشىلارعا بۇل باستامالاردىڭ تابىستى ورىندالعانى پاش ەتىلدى. شىندىعىندا دا ءبىز قازاقستان اۋماعىندا وتە كوپ تاجىريبەلىك شارالار وتكىزدىك. وتكەن بارلىق شارالار، وقۋ جاتتىعۋلارى، ارنايى وپەراتسيالار، جيىندار، كوماندالىق-شتابتىق جاتتىعۋلار وتە جوعارى دەڭگەيدە ۇيىمداستىرىلدى. الەۋەتتى نىعايتۋدا وزىندىك ناتيجە مەن تيىمدىلىككە يە بولدى»، - دەدى ول.
سونىمەن قاتار ۆالەري سەمەرنيكوۆ سەسسيا بارىسىندا مەملەكەت باسشىلارى ءوزارا پىكىر الماسىپ، الەمدىك جانە وڭىرلىك قاۋىپسىزدىكتىڭ كەڭ اۋقىمدى پروبلەمالارى تالقىلاعاندىعىن اتاپ ءوتتى.
«بۇل شاعىن قۇرامدا تالقىلاۋعا ەنگىزىلگەن نەگىزگى ماسەلەلەردىڭ ءبىرى بولدى. مەملەكەت باسشىلارى اتالعان ماسەلەلەردى تىڭعىلىقتى تالقىلاۋعا وتە كوپ ۋاقىت ءبولدى. سايكەسىنشە ۋاعدالاستىققا قول جەتكىزىلدى جانە ۇ ق ش ۇ فورماتىن سىن-تەگەۋىرىندەردىڭ بارلىق سپەكترلەرىنە قارسى ءىس-قيمىلعا باعىتتاۋ بويىنشا جۇمىستاردى جانداندىرۋعا تاپسىرما بەرىلدى»، - دەدى ول.