ءۇندىستاندا اۋانى جاساندى جاڭبىر جاۋعىزۋ ارقىلى تازارتپاق

استانا. قازاقپارات - لاستانعان اۋادان زارداپ شەگىپ جۇرگەن ءۇندىستان استاناسى نيۋ-دەلي قالاسىنىڭ بيلىگى اتومسفەرانى جاساندى جاڭبىر جاۋعىزۋ ارقىلى تازارتۋعا نيەتتى.

بۇل جوسپاردى اۋانىڭ لاستانۋىن قاداعالايتىن ورتالىق دەپارتامەنت پەن كانپۋردەگى تەحنولوگيالىق ينستيتۋت ماماندارى ۇسىندى، دەپ حابارلايدى The Economic Times گازەتى.

10 -قاراشادا باستالاتىن وپەراتسياعا ۇشاقتار جۇمىلدىرىلماق. ولار بۇلتتارعا جاۋىن-شاشىن شاقىراتىن ارنايى زاتتاردى شاشادى.

ايتا كەتكەن ءجون، ءۇندى استاناسى - الەمدەگى اۋاسى ەڭ لاس قالا.

5 -قاراشادا ءۇندىستاننىڭ دەلي ۇلتتىق استانالىق ايماعىندا اۋانىڭ لاستانۋ دەڭگەيى د د س ۇ- نىڭ ورناتقان قاۋىپتى نورماسىنان 25 ەسە كوپ بولدى.