سەمەيدە مەنينگيت جۇقتىرعان ەكى ءسابي اۋرۋحاناعا ءتۇستى

سەمەي. قازاقپارات - سەمەيدە سەروزدى مەنينگيت جۇقتىرعان ەكى بالاباقشا تاربيەلەنۋشىسى اۋرۋحاناعا جاتقىزىلدى، دەپ حابارلايدى قازاقپارات.

سەمەيدە سەروزدى مەنينگيت دياگنوزىمەن ينفەكسيالىق اۋرۋحاناعا 4 جاستاعى ەكى ءبۇلدىرشىن ءتۇستى. ولار قالاداعى «جۇلدىز- ارداق» بالاباقشاسىنىڭ تاربيلەنۋشىلەرى. دارىگەرلەردىڭ ايتۋىنشا، بالالاردىڭ سىرقاتتارى قاۋىپتى ەمەس. قازىر بىرەۋى ستاتسيونارلىق ەم قابىلداپ جاتسا، ەمدەلۋشىنىڭ ەكىنشىسى ۇيىنە شىعارىلعان.

«بالالار ينفەكسيالىق اۋرۋحاناسىنا مەنينگيت دياگنوزىمەن 25 -قازاننان بەرى اتالعان بالالاباقشانىڭ ءۇش بالاسى ءتۇستى. ولاردىڭ ەكەۋىنەن دارىگەرلەر قويعان دياگنوز ناقتىلاندى. ال ءۇشىنشى بالا رەسپيراتورلى ۆيرۋستىق ينفەكسيا جۇقتىرعان. بالالارعا قاجەتتى ەم كورسەتىلۋدە. ومىرلەرىنە ءتونىپ تۇرعان قاۋىپ جوق»، - دەدى قالانىڭ باس سانيتارلىق دارىگەرى ەلۆيرا يسابايەۆا.

قازىر اتا-انالار بالاباقشانى كارانتينگە جابۋدى تالاپ ەتۋدە. الايدا بالاباقشا باسشىلىعى كارانتينگە قوعامدىق دەنساۋلىق ساقتاۋ باسقارماسىنىڭ رۇقساتىنسىز جەكە شەشىم قابىلداي المايتىنىن ايتتى. قازىر مەكتەپكە دەيىنگى مەكەمەگە تولىق ديزەنفەكسيا جۇمىستارى جۇرگىزىلگەن. دارىگەرلەر اتا-انالارعا الاڭداۋعا ەش نەگىز جوق دەپ وتىر.

جالپى سەمەيدە جىل باسىنان بەرى سەروزدى مەنينگيتتىڭ 51 وقيعاسى تىركەلگەن.