باقىتجان ساعىنتايەۆ پەن دميتري مەدۆەدەۆ استانادا ىنتىماقتاستىق ماسەلەلەرىن تالقىلادى

استانا. قازاقپارات - بۇگىن ق ر پرەمەر-ءمينيسترى باقىتجان ساعىنتايەۆ ۇكىمەت ۇيىندە رەسەي فەدەراتسياسىنىڭ پرەمەر-ءمينيسترى دميتري مەدۆەدەۆپەن ەكىجاقتى كەزدەسۋ وتكىزدى، دەپ حابارلايدى قازاقپارات ءتىلشىسى.

باقىتجان ساعىنتايەۆ استاناعا كەلگەن ارىپتەسىنە جانە رەسەيلىك دەلەگاتسياعا جىلى لەبىز ءبىلدىرىپ، كەزدەسۋ بارىسىندا قوردالانىپ قالعان وزەكتى ماسەلەلەر تالقىلاناتىنىن اتاپ ءوتتى.

«مۇنداي رەسمي ساپاردىڭ فورماتى ەكىجاقتى ىنتىماقتاستىقتىڭ ماڭىزدى ماسەلەلەرىن كەڭىنەن تالقىلاۋعا مۇمكىندىك بەرەدى. ءبىزدىڭ كەزدەسۋىمىزدىڭ ناتيجەلەرى قازاقستان- رەسەي ءوزارا ىنتىماقتاستىعىنا قوسىمشا قارقىن قوسىپ، العا جىلجۋدى قاجەت ەتەتىن ماسەلەلەردى شەشۋگە جانە ورتاشا مەرزىمدى كەلەشەككە پەرسپەكتيۆالى جوسپارلاردى ايقىنداۋعا مۇمكىندىك بەرەتىنىنە سەنىمدىمىز»، - دەدى باقىتجان ساعىنتايەۆ ۇكىمەت باسشىلارىنىڭ كەڭەيتىلگەن قۇرامداعى كەلىسسوزدەرىنەن كەيىن.

ق ر ۇكىمەتىنىڭ باسشىسى رەسەيدە جاڭا ەكونوميكالىق دامۋ سيكلى باستالعانىن تىلگە تيەك ەتە كەلە، 2024 -جىلعا دەيىنگى كەزەڭگە ارنالعان ۇلتتىق دامۋ ماقساتتارىنا جەتۋدە تابىس تىلەدى.

ءوز كەزەگىندە، دميتري مەدۆەديەۆ قازاقستاندىق ارىپتەسىنە شاقىرعانى ءۇشىن العىسىن ءبىلدىرىپ، استاناعا ۇنەمى قۋانىشپەن كەلەتىنىن جەتكىزدى.

«قازىر عانا ەل پرەزيدەنتى نۇرسۇلتان نازاربايەۆپەن سويلەستىم. ءبىزدىڭ قارىم-قاتىناستارىمىز تۋرالى ۇزاق اڭگىمەلەۋگە بولادى نەمەسە قىسقا قايىرۋعا دا بولادى: ءبىزدىڭ قارىم-قاتىناستارىمىز وتە جوعارى دەڭگەيدە، ءبىز - ستراتەگيالىق سەرىكتەسپىز. سونىمەن بىرگە، ەلدەرىمىز الدىندا اۋقىمدى مىندەتتەر تۇر»، - دەدى ول.

سونداي-اق رەسەي پرەمەر-ءمينيسترى ەكى ەل اراسىنداعى تۇراقتى بايلانىستىڭ ايرىقشا ماڭىزدى ەكەنىن اتاپ ءوتتى.

«ءسىز ۇلتتىق دامۋ ماقساتتارى (رەسەيدىڭ - اۆت.) تۋرالى ايتتىڭىز. راسىمەن دە، ولاردى ۇكىمەت ىسكە اسىرىپ جاتىر. سونداي-اق، سىزدەردە دە نۇرسۇلتان نازاربايەۆ ۇسىنعان جاڭا يدەيالارمەن، سونىڭ ىشىندە جۋىردا پارلامەنت قابىرعاسىندا قازاقستان حالقىنا جاريالاعان جولداۋىمەن بايلانىستى شەشىمدەر بار. سونىمەن قاتار، ءوز ەلدەرىمىزدە ىسكە اسىرىلىپ جاتقان ءبىرقاتار ءىرى ۇلتتىق جوبالار دا بار. ءبىزدىڭ ۇنەمى بايلانىستا بولۋىمىز وتە ماڭىزدى»، - دەپ تۇيىندەدى ءسوزىن دميتري مەدۆەدەۆ.

ايتا كەتەيىك، بۇگىن رەسەي فەدەراتسياسى ۇكىمەتىنىڭ ءتوراعاسى دميتري مەدۆەدەۆ قازاقستان رەسپۋبليكاسىنا رەسمي ساپارمەن كەلدى. 2 -قاراشا كۇنى ت م د ۇكىمەت باسشىلارى كەڭەسىنىڭ وتىرىسى وتەدى.