قازاقستاندىق بىتىمگەرشىلەر ليۆان رەسپۋبليكاسىنا كەلدى
بۇل تۋرالى قازاقپارات قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
قازاقستان رەسپۋبليكاسى قارۋلى كۇشتەرىنىڭ تاريحىندا العاش رەت بىتىمگەرلىك كونتينگەنت ليۆانداعى بەيبىتشىلىك پەن قاۋىپسىزدىكتى ساقتاۋ جونىندەگى ب ۇ ۇ- نىڭ ميسسياسىنا قاتىسۋدا.
ءۇندى سەرىكتەستەرىمەن بىرلەسە بىتىمگەرشىلىك روتانىڭ ۇيلەسۋى شەڭبەرىندە قاجەتتى دايىندىق جۇمىسى جۇرگىزىلدى. وسى ميسسياعا بىرلەسىپ قاتىسۋ جونىندەگى قازاقستان رەسپۋبليكاسى مەن ءۇندىستان رەسپۋبليكاسىنىڭ ۇكىمەتتەرى اراسىندا ءوزارا تۇسىنىستىك تۋرالى مەموراندۋمعا قول قويىلىپ، راتيفيكاتسيالاندى.
ب ۇ ۇ- نىڭ مانداتىنا سايكەس ليۆانداعى قازاقستاندىق بىتىمگەرشىلىك بولىمشە جەردى پاترۋلدەۋ، باقىلاۋ بەكەتتەرىن ۇيىمداستىرۋ، وق اتۋدىڭ توقتاتىلۋىن باقىلاۋ جونىندەگى فۋنكسيالاردى ورىندايدى.
بولىمشەنىڭ ب ۇ ۇ- نىڭ ميسسياسىنا قاتىسۋى حالىقارالىق قاۋىپسىزدىكتى نىعايتۋعا ۇلەس قوسادى، سونداي- اق حالىقارالىق قوعامداستىقتىڭ، ونىڭ ىشىندە، ب ۇ ۇ- نىڭ قاۋىپسىزدىك كەڭەسىندە قازاقستان رەسپۋبليكاسىنىڭ تۇراقسىز مۇشەلىگىنىڭ قورىتىندىسىن جاساۋ نەگىزىندە جاۋاپتى مۇشە رەتىندە قازاقستاننىڭ بەدەلىن نىعايتا تۇسەدى.
قازاقستان رەسپۋبليكاسىنىڭ قورعانىس مينيسترلىگى بىتىمگەرشىلىك قىزمەتتىڭ تاجىريبەسىن جيناقتاۋ جانە كۇردەلى اسكەري- ساياسي جاعدايداعى اۋدانداردا قىزمەت وتكەرۋ بويىنشا قازاقستاندىق اسكەري قىزمەتشىلەرگە ارنالعان مۇمكىندىكتەردى كەڭەيتۋ جونىندەگى جۇمىستى جۇرگىزۋدە.
بىتىمگەرشىلىك وپەراتسيالارعا قاتىسۋ كەزەڭىندە اسكەري قىزمەتشىلەر قورعانىس مينيسترلىگىنىڭ بيۋدجەتى ەسەبىنەن ءۇش رەتتىك قاراجاتپەن قامتاماسىز ەتىلەدى.
سونداي- اق، ب ۇ ۇ جىبەرۋشى كونتينگەنتكە ب ۇ ۇ- نىڭ باس اسسامبلەياسى بەكىتكەن مولشەرلەمەلەر بويىنشا شىعىنداردى مەملەكەتكە قايتارادى. بۇل ايىنا اسكەري قىزمەتشىگە جۇمسالاتىن 1428 ا ق ش دوللارىن قۇرايدى. ءار اسكەري قىزمەتشىگە قوسىمشا رەتىندە كۇنىنە 1,28 ا ق ش دوللارى مولشەرىندە تاۋلىكتىك قاراجات، ميسسيادا وتكىزگەن ءار 6 ايعا ۇسىنىلاتىن 15 كۇندىك دەمالىس ءۇشىن كۇنىنە 10,5 ا ق ش دوللارى مولشەرىندە ساۋىقتىرۋ جاردەماقىسى تولەنەدى.