بريتاندىق ديپلوماتتار قازاق ءتىلىن ۇيرەنەدى

بريۋسسەل. قازاقپارات - ۇلى بريتانيانىڭ سىرتقى ىستەر مينيسترلىگى مىڭداعان ديپلوماتيالىق قىزمەتكەردى جالداۋدى جوسپارلاپ وتىر.

بۇل، لوندوننىڭ ەۋرووداقتان شىققاننان كەيىنگى الەم ەلدەرىمەن قارىم-قاتىناستى كەڭەيتۋ نيەتىمەن بايلانىستى، دەپ حابارلايدى قازاقپاراتتىڭ مەنشىكتى ءتىلشىسى The Guardian بريتاندىق گازەتىنە سىلتەمە جاساپ.

بريتانيا س ءى م باسشىسى دجەرەمي حانت سارسەنبى كۇنى بايانداما جاساپ، وندا ديپلوماتيالىق كورپۋستى كەڭەيتۋگە قاتىستى الداعى جوسپارلار تۋرالى مالىمدەمەك.

شارالاردىڭ ءبىرى رەتىندە شەتەل تىلدەرىن مەڭگەرگەن بريتاندىق ديپلوماتتاردىڭ سانىن 500-دەن 1 مىڭعا دەيىن ارتتىرۋ قاراستىرىلعان.

فورين-وفيستە وقىتىلاتىن تىلدەردىڭ سانى 50-دەن 70-كە دەيىن ارتادى. ونىڭ ىشىندە باعدارلاماعا قازاق جانە قىرعىز تىلدەرى قوسىلعان.

ايتا كەتەيىك، ۇلى بريتانيا ە و- دان 2019 -جىلدىڭ 29 -ناۋرىزىندا شىعۋى ءتيىس.