قازاقتىڭ ايگىلى ءانشىسى تۋرالى «امىرە» فيلمى گولليۆۋد كينوفەستيۆالىندە جەڭىسكە جەتتى
قازاقستاندىق فيلم بايقاۋدىڭ ءبىرىنشى كەزەڭىندە Silver Screen Award جۇلدەسىن العان بولاتىن.
«دوستار! ءبىزدىڭ «امىرە» («Paris Song») 1 -ورىنعا لايىق دەپ تانىلىپ، Hollywood Film Festival كينوفەستيۆالىندلە قازىلار القاسىنىڭ جوعارى باعاسىن الدى»، - دەپ جازدى بۇگىن الەۋمەتتىك جەلىدە اكتەر سانجار ءمادي.
«ءسۇيىنشى! «امىرە» فيلمىنىڭ شىعارماشىلىق ۇجىمىن جەڭىسىمەن قۇتتىقتايمىن! قازاقستاندىق كينەماتوگرافيانىڭ الەمدىك ارەناعا سەنىمدى ءارى ءجيى شىعىپ وتىرعانىنا قۋانىشتىمىن. بۇل - ۇلكەن ءارى داڭقتى جولدىڭ باستاماسى ەكەنىنە سەنەم! اق جول»، - دەپ اتاپ ءوتتى ق ر مادەنيەت جانە سپورت ءمينيسترى ارىستانبەك مۇحامەدي ۇلى الەۋمەتتىك جەلىدەگى جەكە پاراقشاسىندا.
قازاقتىڭ اتى اڭىزعا اينالعان تەنورى امىرە قاشاۋبايەۆ تۋرالى كينولەنتانى ق ر مادەنيەت جانە سپورت مينيسترلىگىنىڭ تاپسىرىسى بويىنشا «قازاق فيلم» كينوستۋدياسى مەن «Darplay» كومپانياسى بىرلەسىپ تۇسىرگەن.