شىعىس قازاقستاندا ۇيدەن كەتىپ قالعان قىزى ءۇشىن اناسى جاۋاپقا تارتىلدى
انىقتالعانداي، الگى ايەلدىڭ قىزى ەۆگەنيا اناسىمەن ۇرسىسىپ، ۇيدەن كەتىپ قالعان. قوڭىراۋ شالعاندا، قۇربىسىنىڭ ۇيىندە وتىرعانىن ايتقان، ال ءبىراز ۋاقىتتان كەيىن قوڭىراۋعا جاۋاپ بەرمەي قويادى.
قىزى ءۇشىن الاڭداعان انا زىريان اۋداندىق پوليتسيا بولىمىنە جۇگىنەدى. ەكى كۇننەن كەيىن ءتارتىپ ساقشىلارى جوعالعان ءجاسوپىرىمدى ىزدەپ تاۋىپ، ۇيىنە قايتاردى. ول وسى ۋاقىت بويى تانىستارىنىڭ ۇيىندە بولعان ەكەن.
اۋداندىق سوت اقپاراتىنشا، كامەلەت جاسىنا تولماعان بالاسى ءۇشىن زاڭدى وكىلى جاۋاپكەرشىلىككە تارتىلادى. اناسى قىزىنىڭ ءتورت كۇن ۇيدە بولماعانىن مويىنداعان. مۇنداي ۇقساس جاعدايلار بۇعان دەيىن دە ورىن العان كورىنەدى.
سوت ۇكىمى بويىنشا، جاسوسپىرىمنىڭ اناسى اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 7 ا ە ك (16835 تەڭگە) مولشەرىندە اكىمشىلىك ايىپپۇل سالىندى.