امەريكالىق عارىش اگەنتتىگىندە جۇمىس ىستەيتىن قازاق ازاماتى تۋرالى نە بىلەمىز؟
دارحان نۇرماعامبەتتىڭ NASA- دا عارىش ستانسالارىن اۆتوماتتاندىرۋ تەحنولوگياسىن جەتىلدىرۋ سالاسىندا جۇمىس ىستەپ جۇرگەنىنە 13 جىل بولعان. وسى جىلداردىڭ ىشىندە «سويۋز»، «كەيپ كاناۆەرال» سىندى پيلوتتىق جوبالارعا قاتىسىپتى.
«شاتتل» عارىش كەمەسىنىڭ ۇشىرىلعانىن نەشە مارتە كوردىم. مۇنىڭ قانداي سەزىم ەكەنىن سوزبەن ايتىپ جەتكىزە المايمىن. ەۋروپالىق عارىش اگەنتتىكتەرىمەن دە ىنتىماقتاستىق ورناتىپ، ولارمەن ءوزارا تاجىريبە الماستىم»، - دەيدى دارحان.
جەرلەسىمىز ا ق ش- تىڭ ۆيردجينيا شتاتىنا كوشىپ بارعاننان كەيىن سول جەردە قازاق-امەريكا قاۋىمداستىعىن قۇرعان ەكەن.
ونداعى نەگىزگى ماقساتى شەت ەلدە جۇرگەن قازاقتاردىڭ باسىن قوسىپ، ۇلتتىق ءداستۇردى ناسيحاتتاۋ، جاستار جۇرەگىنە پاتريوتتىق سەزىمدى ۇيالاتۋ بولىپتى.
«مەن سەمەي وبلىسىنىڭ شۇبارتاۋ اۋدانىنىڭ ءبيدايىق اۋىلىندا تۋىلعانمىن. قازاقى تاربيە العاندىقتان، بويىمداعى بار قاسيەتتەرمەن باسقالارمەن بولىسكىم كەلدى. بۇل جەردەگى قانداستارىمىزعا بارىمدى سالىپ كومەكتەسەمىن»، - دەدى ول.
امەريكاعا كوشىپ كەلگەننەن كەيىن دارحان مىرزا شۆەتساريالىق كومپانيادا جۇمىس ىستەگەن ەكەن.
ودان كەيىن اەروناۆتيكا مەن عارىش كەڭىستىگىن زەرتتەۋ باسقارماسىنا ورنالاسقان.
«جۇبايىم اياۋلىم باستاپقىدا «وراكل» كومپانياسىندا ديرەكتور قىزمەتىن اتقاردى. كوپ ۇزاماي ونەر سالاسىنا اۋىسىپ، قازىر ا ق ش- تا بەتكە ۇستار مۋزىكالىق ۇجىم سانالاتىن «بالاۋسا» حورىن قۇردى»، - دەپ دارحان ماقتانىشىن جاسىرمادى.
دارحان نۇرماعامبەتتىڭ ايتۋى بويىنشا، امەريكادا جۇمىس تابۋ قيىنعا سوقپاعان، سەبەبى وتانىمىزدا بەرىلەتىن ءبىلىم مۇندا جوعارى باعالانادى ەكەن.
ەندىگى ونىڭ ارمانى - بالالارىنىڭ دا ءوزىنىڭ جولىن قۋىپ، عارىش سالاسىنا كەلۋى ەكەن.
«ءوز ەلىنەن ۇزاقتا جۇرگەن قانداستارىمىز تۋعان ەلىندە نە بولىپ جاتقانىن ءبىلۋى كەرەك. ولارعا اقپاراتتى بەرىپ وتىرۋ ءبىزدىڭ پارىزىمىز»، - دەدى جەرلەسىمىز.
وسى ماقساتتا دارحان مىرزا ءجيى امەريكاداعى قانداستاردىڭ باسىن قوسىپ، ولارعا ۇلتتىق قۇندىلىقتاردى ۇيرەتىپ وتىراتىنىن ايتتى.