شەتەلدەگى قازاقتاردى قولداۋعا ارنالعان «وتانداستار» قورى وتىرىسىنا مەملەكەتتىك حاتشى قاتىستى
جيىنعا سەنات ءتوراعاسىنىڭ ورىنباسارى ب. بەكنازاروۆ، ءماجىلىس ءتوراعاسىنىڭ ورىنباسارى ۆ. بوجكو، قوعامدىق دامۋ ءمينيسترى د. كالەتايەۆ، قوردىڭ پرەزيدەنتى ن. ابىقايەۆ، دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى ز. تۇرىسبەكوۆ، مەملەكەت جانە قوعام قايراتكەرلەرى، سونداي-اق قازاقستان بيزنەسىنىڭ وكىلدەرى قاتىستى.
«وتانداستار» قورى مەملەكەت باسشىسىنىڭ 2017 -جىلعى ماۋسىمدا وتكەن دۇنيەجۇزى قازاقتارىنىڭ V قۇرىلتايىنداعى باستاماسى بويىنشا قۇرىلعان.
قور قىزمەتى شەت ەلدەردە ءومىر ءسۇرىپ جاتقان وتانداستاردى، سونداي-اق قازاقستانعا قايتىپ كەلگەن ەتنيكالىق قازاقتاردى قولداۋعا ارنالعان.
قامقورشىلار كەڭەسى وتىرىسىندا «وتانداستار» قورىنىڭ مىندەتتەرى، قىزمەتى مەن دامۋ جوسپارلارى، سونداي-اق قوردىڭ قازىرگى جۇمىستارىنا قاتىستى باسقا دا ماسەلەلەر قارالدى.