شىمكەنتتىك تۇرمەگە ناننىڭ ىشىنە تەلەفون تىعىپ وتكىزبەك بولعان
تىيىم سالىنعان بايلانىس قۇرالى سوتتالۋشىعا اكەلگەن تاماقتاردى تەكسەرۋ بارىسىندا تابىلدى
ايەلدەرگە ارنالعان يچ 167/4 تۇزەۋ مەكەمەسى باسشىسىنىڭ مىندەتىن اتقارۋشى ساپارعالي جۇماعۇلوۆتىڭ سوزىنە قاراعاندا، قاتاڭ تارتىپتەگى كولونياعا سوتتالۋشىنىڭ تۋىسى قىسقا مەرزىمدەگى كەدەسۋگە كەلگەن. ونىڭ زاتتارىن قاراۋ كەزىندە تۇرمە قىزمەتكەرلەرى ناندى تۋراپ كورگەن. سول كەزدە ۇيالى تەلەفونمەن قاتار ونى قۋاتتاعىشى، سيم كارتاسى تابىلعان. ارتىنشا بۇل زاتتار تاركىلەندى. كەزدەسۋگە كەلگەن ازاماتقا قاتىستى تەرگەۋ شارالارى جۇرگىزىلۋدە. تۇزەۋ مەكەمەسى قىزمەتكەرلەرى زاڭبۇزۋشىلىققا جول بەرگەن تۇرعىننىڭ ءىسىن قىلمىستىق- پروتسەستىك كودەكسى بويىنشا شارا قولدانۋ ءۇشىن شىمكەنت قالالىق ءال- فارابي اۋداندىق سوتىنا جولدانعان.
ايتا كەتەيىك، ءدال وسىعان ۇقساس جاعداي ەكى اي بۇرىن بولعان. وندا جازاسىن وتەۋشىنىڭ تۋىسى پىسكەن تاۋىقتىڭ ىشىنە ۇيالى تەلەفون تىعىپ كەلگەن بولاتىن. تىيىم سالىنعان بايلانىس قۇرالىن تۇرمە قىزمەتكەرلەرى تاركىلەپ العان.