مەملەكەت باسشىسى ەكونوميكاداعى ەڭ ۇرىمتال تۇستاردى اتادى - راحمان الشانوۆ
بۇل تۋرالى پىكىرىن قازاقپارات تىلشىسىنە الماتى قالالىق قوعامدىق كەڭەسىنىڭ ءتوراعاسى راحمان الشانوۆ ايتىپ بەردى.
ونىڭ ايتۋىنشا، بيىلعى جولداۋدىڭ ەرەكشەلىگى - پرەزيدەنتتىڭ كوپتەگەن ماڭىزدى ماسەلەلەرگە باسا ءمان بەرۋىندە.
«باعدارلامالار قابىلداندى، ينۆەستيسيا بولىنگەن، قاۋلىلار بار. ءبىراق نەگە جوبالار جۇمىس جاسامايدى؟ وسى جانە وزگە دە وزەكتى ماسەلەلەر تىلگە تيەك ەتىلدى. ماسەلەن، قازاقستاندىقتار نەگە سىرتتان كەلگەن شۇجىق پەن تاۋىق ەتىن جەپ وتىر؟ وقو- دا مەكتەپتەر ءۇش اۋىسىممەن جۇمىس جاساسا، سولتۇستىك اۋدانداردا نەگە جاڭادان سالىنعان مەكتەپتەر قاڭىراپ بوس تۇر؟ ينۆەستيتسيا دۇرىس باعىتتالماعان. اۆتوباندار سالىنعان، ءبىراق اۋىل اراسىندا جول جوق. بۇل اۋىل- ايماققا سۋ قۇبىرىن تارتىپ، ءبىراق ۇيگە جەتكىزىپ بەرمەگەنمەن تەڭ»، - دەدى ر. الشانوۆ.
ساراپشىنىڭ ايتۋىنشا، ق ر قارجى مينيسترلىگى وسى باعىتتا باقىلاۋدى كۇشەيتۋى ءتيىس.
«ەكونوميكا ۇنەمدى بولعانى ابزال. سونىمەن قاتار، ادامنىڭ جاعدايىن جاساۋعا باعىتتالۋى ءتيىس. مەنىڭ ويىمشا، ەندى اتقارۋ ورگاندارى اتالعان ماسەلەگە مۇقيات قاراپ، مىندەتتەردىڭ ورىندالۋىن قاداعالايدى. ەلباسىمىز ۇنەمى الدىنا ورىندالاتىن ماقساتتار عانا قوياتىنى بەلگىلى. 2019 -جىل قازاق حالقى ءۇشىن ءساتتى جىل بولىپ، مەجەلى ماقساتقا قول جەتكىزەمىز دەپ ويلايمىن»، - دەدى ول.
ايتا كەتۋ كەرەك، پرەزيدەنت نۇرسۇلتان نازاربايەۆ اقوردادا قازاقستان حالقىنا جولداۋىن جاريا ەتتى.
ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال-اۋقاتىن ودان ءارى ارتتىرۋ مىندەتتەرىنە ارنالعان.