مەملەكەتارالىق ىزدەۋدە جۇرگەن قىلمىسكەر ۇستالدى
14:17, 03 - قازان 2018
كوكشەتاۋ. قازاقپارات - اقمولا وبلىسى اۋماعىندا مەملەكەتارالىق ىزدەۋدە جۇرگەن قىلمىسكەر ۇستالدى، دەپ حابارلايدى قازاقپارات ءتىلشىسى ءى ءى د باسپا ءسوز قىزمەتىنە سىلتەمە جاساپ.
پوليتسەيلەردىڭ دەرەگى بويىنشا، 2 - قازاندا «ىزدەۋ» جەدەل الدىن الۋ شاراسى بارىسىندا اتباسار اۋدانىنداعى اۋىلداردىڭ بىرىندە 41 جاستاعى ەر ادام ۇستالدى.
«ەر ادامعا شەشەنستان رەسپۋبليكاسىنىڭ ءى ءى م ق ى ب (قىلمىستىق ىستەر باسقارماسى) ەسىرتكى زاتتارىن ءوندىرىپ، ساۋدالاعانى جانە جونەلتكەنى ءۇشىن اعىمداعى جىلدىڭ ءساۋىر ايىندا مەملەكەتارالىق ىزدەۋ جاريالاعان.
سونىمەن قاتار، «ىزدەۋ» جەدەل الدىن الۋ شاراسى بارىسىندا استانا قالالىق ءى ءى د قىزمەتكەرلەرى ۇرلىق جانە الاياقتىعى ءۇشىن ىزدەستىرىپ جۇرگەن ەكى قىلمىسكەردى قولعا ءتۇسىردى.
جالپى، جىل باسىنان بەرى اقمولا وبلىسى اۋماعىندا 74 قىلمىسكەر ۇستالسا، ءىز- ءتۇزسىز جوعالعان 58 ادامنىڭ جۇرگەنى جەرى انىقتالدى» ، دەپ كورسەتىلگەن حابارلامادا.