استانادا جولاۋشىلاردىڭ جۇيكەسىن توزدىرعان تاكسي جۇرگىزۋشىسى جازالاندى
12:21, 02 - قازان 2018
استانا. قازاقپارات - استاناداعى حالىقارالىق اۋەجايدىڭ كولىكتىك پوليتسيا قىزمەتكەرلەرى ءوزىنىڭ قىزمەتىن ۇسىنۋ ارقىلى جولاۋشىلاردىڭ مازاسىن الا بەرگەن تاكسي جۇرگىزۋشىسىن اكىمشىلىك جاۋاپكەرشىلىككە تارتتى، دەپ حابارلايدى قازاقپارات ءتىلشىسى كولىكتەگى ءى ءى د باسپا ءسوز قىزمەتىنە سىلتەمە جاساپ.
قۇقىق بۇزۋشىعا قاتىستى ق ر ا ق ب ت ك 449-بابى 2-بولىگى بويىنشا اكىمشىلىك حاتتاما تولتىرىلعان.
استانا قالاسىنىڭ مامانداندىرىلعان اۋدانارالىق سوتىنىڭ شەشىمىمەن تاكسي جۇرگىزۋشىسى 10 ا ە ك (24050 تەڭگە) ايىپپۇل وتەۋگە مىندەتتەلدى.
ايتا كەتەرلىگى، بۇل ازامات بۇرىن دا ق ر ا ق ب ت ك- ءنىڭ اتالمىش بابىمەن جازالانعان. بەلگىلى بولعانداي، قۇقىق بۇزۋشى زاڭبۇزۋشىلىققا ءتورتىنشى رەت جول بەرىپ وتىر. بەيمازا تاكسي جۇرگىزۋشىسىن ايىپپۇلدار مەن ەسكەرتۋلەر توقتاتار ەمەس.
كولىكتەگى ءى ءى د مەن ۆەدومستۆونىڭ جەلىلىك بولىمشەلەرى 9 ايدىڭ ىشىندە 236 زاڭسىز تاكسي جۇرگىزۋشىسىن جازالاعان.