تەلەفون ارقىلى اقشا ۇرلايتىن جاڭا باعدارلاما انىقتالدى
سويتسە، باعدارلاما ۇيالى قۇرىلعىنى سكانەرلەپ، بانكتىك قوسىمشالاردى قاداعالاعان. الاياقتىق باعدارلامالىق جاساقتاما پايدالانۋشى ءموبيلدى بانكتى قولدانعان سايىن بارلىق دەرەكتەردى فيشينگ قوسقىشىنا ەنگىزۋ ءۇشىن ارنايى جاسالعان. سول كەزدە شوت تۋرالى بارلىق اقپارات اۆتوماتتى تۇردە شابۋىلداۋشىلارعا ءتۇسىپ وتىرعان. سونىمەن قاتار، ۆيرۋس ەكى فاكتورلى اۋتەنتيفيكاتسيا پارولى بار ماتىندىك حابارلامالاردى جاۋلاپ الدى.
ستەفانكونىڭ ايتۋىنشا، باعدارلاما ۇنەمى بارلىق مالىمدەلگەن فۋنكتسيالاردى ورىنداپ وتىرعاندىقتان، ول پايدالانۋشىلارعا ەشقانداي كۇمان تۋعىزبادى. ول Google Play دۇكەنى ارقىلى تاراتىلىپ، ون مىڭنان استام رەت ساتىپ الىنعان. ازىرگە بۇل ۆيرۋستان بىرنەشە پايدالانۋشىلاردىڭ زارداپ شەككەنى بەلگىلى. كيبەرقىلمىسكەرلەر وسى تارتىپپەن ولاردىڭ شوتتارىنان مىڭداعان ەۋرو شەشىپ العان.
باعدارلاما ارسەنالىندا - نەمىس، چەح، پولياك جانە اۆستريالىق بانكتەردىڭ جالعان ينتەرفەيسى (Raiffeisen Bank, AirBank, Oberbank, Bank Austria, ING، ČSOB جانە باسقالار) تۇرادى. چەح پوليتسياسى جەرگىلىكتى تۇرعىنداردى QRecorder- دى جۇكتەۋگە بايلانىستى قاۋىپ تۋرالى ەسكەرتتى.